Փաստ ինֆո

Նիկոլ Փաշինյանը շարունակում է առաջ քաշել թեզը, թե «Մադրիդյան սկզբունքներով» Հայաստանը ճանաչել է Ղարաբաղը որպես Ադրբեջանի մաս: ԱԺ-ում լրագրողների հետ զրույցում Նիկոլ Փաշինյանը նշեց, որ պետք է առերեսվել իրականության հետ։

«Մենք, չառերեսվելով այս իրականության հետ, զուգահեռ իրականություն ենք ստեղծել, ցանկալի իրականություն, որը միջազգային ու աշխարհաքաղաքական իրականության հետ ոչ մի կապ չի ունեցել: Ես ասում եմ՝ մենք պետք է առերեսվենք այս իրականության հետ»,- նշեց Նիկոլ Փաշինյանը։

Նրա խոսքով՝ իր ակնկալիքն է, որ ֆունդամենտալ խնդիրներին անդրադառնան, ֆունդամենտալ պրոբլեմն, ըստ Փաշինյանի, այն է, որ բանակցային իրականությունը մի բան է եղել, մենք եկել, տեսախցիկների առաջ ուրիշ բան ենք ասել: Նրա խոսքով՝ 2018 թվականից փորձել եմ բանակցային սենյակներում և ժողովրդի հետ խոսակցությունը լինի նույնը, և դա շատ ցավոտ և բարդ պրոցես է 2018 թվականից փորձել է բանակցային սենյակներում և ժողովրդի հետ խոսակցությունը լինի նույնը, և դա շատ ցավոտ և բարդ պրոցես է։

Հարցին, թե նախօրեին ի՞նչ երրորդ տարբերակի մասին էր խոսում ԱԳ նախկին նախարար Վարդան Օսկանյանը, Փաշինյանն ասաց. «Թող իրենք հրապարակեն իրենց տարբերակները, ես իրենց խոսնակը չեմ: Ասում են՝ մենք 2018-ին սա էինք ուզում առաջարկել: Ինչ որ ուզում էին առաջարկել այն ժամանակ, թող հիմա հրապարակեն: Ես էլ դրան կարձագանքեմ»:

Ըստ նրա՝ ընդդիմության առաջարկներն արդեն ամբողջությամբ արտահայտված են իրենց թողած բանակցային ժառանգության մեջ:
Անդրադառնալով խաղաղության պայմանագրին՝ Փաշինյանը նշեց, որ պատրաստ է և հույս ունի, որ խաղաղության պայմանագիրը կստորագրվի՝ իր հասցեագրած խնդիրների հասցեագրման շրջանակներում։

«Մեզ համար կարեւոր է, որ բանակցություններում նաեւ նախատեսված լինեն երաշխիքներ։ Իսկ որ ընդհանրապես երաշխիք չկա, դա մեր միջազգային իրադրության ամենակարեւոր առանձնահատկությունն է»,–ասաց Փաշինյանը՝ հավելելով, որ այսօր աշխարհում չկա մի երկիր, որը կարող է ասել` ես երաշխավորում եմ, որ վաղը կլինի սա, այդ թվում` սեփական անվտանգության համար։

Հարցին՝ այդ դեպքում ինչո՞ւ ենք Ադրբեջանի հետ խաղաղության պայմանագիր ստորագրում, Փաշինյանը պատասխանեց. «Նախ փաստ չէ, որ ստորագրում ենք այն»։

Աղբյուր` Փաստինֆո