Փաստ ինֆո

«Հայկական կողմից Մադրիդյան փաստաթուղթը ներկայացվելով որպես իր առաջարկությունների փաթեթ, իսկ ադրբեջանական կողմից՝ որպես առաջարկությունների հիմք, արդեն իսկ նշանակում է, որ Արցախը Ադրբեջանի մաս չէ։ Լեռնային Ղարաբաղի ժողովուրդն իր ճակատագիրը պետք է որոշի ինքնուրույն՝ հանրաքվելի միջոցով»,- Մադրիդյան սկզբունքներին այսօր անդրադարձել ՀՀ Արտաքին գործերի նախկին նախարար Վարդան Օսկանյանը՝ հակադարձելով Փաշինյանին։ Նշենք, որ ՀՀ ԱԺ ամբիոնից Ն. Փաշինյանի երեկ հերթական անգամ հանդես էր եկել վիճահարույց հայտարարություններով՝ զարգացնելով այն թեզը, թե, իբր, Մադրիդյան սկզբունքներով հայկական կողմն Արցախը ճանաչել է Ադրբեջանի մաս։

Վարդան Օսկանյանը նշում է՝ ոչ մի կերպ չի կարողանում հասկանալ Փաշինյանի տրամաբանությունը. «Միգուցե Փաշինյանին հարց տալ, թե նույն տրամաբանությունից ելնելով, ինչո՞ւ է նա ցանկանում այսօր Խաղաղության պայմանագիր ստորագրել Ադրբեջանի հետ, որի հիմքում լինելու է փոխադարձ տարածքային ամբողջականության ընդունումը։ Փաստորեն, ելնելով Նիկոլ Փաշինյանի տրամաբանությունից, եթե ինքը մտնում է այդպիսի բանակցության մեջ, որով Ադրբեջանը պետք է ճանաչի Հայաստանի տարածքային ամբողջականությունը, ապա արդյո՞ք կրկին իր իսկ տրամաբանությունից ելնելով, չի ստացվում, որ ինքը՝ Փաշինյանը, Հայաստանը, նույնպես, ճանաչում է որպես Ադրբեջանի մաս։ Ստացվում է, որ Հայաստանի որոշ մասեր, նույնպես, Ադրբեջանի կազմում են»։

Արդյո՞ք Ադրբեջանի հետ այսպիսի բանակցությունների մեջ մտնելով, Փաշինյանը չի՞ չեղարկում Հայաստանի անկախության հանրաքվեն և մեր սահմանները, հռետորական հարցադրում է կատարում Արտաքին գործոց նախկին նախարարն ու օրինակ բերում. «Որևէ մարդ բնակարան ունի, որի բոլոր փաստաթղթերն իր իսկ ձեռքում են։ Ինքն իր ընտանիքով, տարիներ շարունակ, այդ բնակարանում է ապրել, բայց կա նաև մեկը, ով հավակնություններ ունի այդ բնակարանի նկատմամբ և անընդհատ խանգարում է նրանց բնականոն կյանքին, խոչընդոտում է նրանց մուտքը բնակարան, բնակարանի միջանցքներում, ինչ – որ, ապօրինի գործողութուններ է կատարում և այլն։ Տան սեփականատերը, այս խնդիրներին վերջ տալու համար, դատարան է դիմում։ Ստացվում է, որ Փաշինյանի տրամաբանությամբ, դատարան դիմողը, որ բոլոր օրինական իրավունքներն ունի՝ պաշտպանելու սեփական տունը, պետք է հրաժարվի իր տնից, որպեզի օրինազանցը հանգստա, իրեն հանգիստ թողի և այլևս չխանգարի իրենց կյանքին»,- ասում է Օսկանյանը։

Նախկին նախարարը շեշտում է՝ այն ինչ արվել է Ղարաբաղյան հակամարտության կարգավորման բանակցությունների առաջին իսկ օրվանից՝ Լ. Տեր – Պետրոսյանի, Ռ. Քոչարյանի և Ս. Սարգսյանի օրոք՝ միջազգայնորեն ճանաչելու և ամրագրելու համար հայկական կողմի շահերն ու իրավունքները, Լեռնային Ղարաբաղի ժողովրդի ինքնորշման իրավունքը, որը պետք է ընդուներ նաև ադրբեջանական կողմը՝
մեզ հաջողվել է հենց այդ փաստաթղթի՝ Մադրիդյան սկզբունքների վրա հիմնվելով։ Մադրիդյան փաստաթուղթն, իսկապես, եղել է մեր դիվանագիտության հաղթանակներից մեկը», - ասել է ՀՀ Արտաքին գործերի նախկին նախարար Վարդան Օսկանյանը։

Աղբյուր` Փաստինֆո