Փաստ ինֆո

Թուրքիայի նախագահի պաշտոնական ներկայացուցիչ Իբրահիմ Քալընը հայտարարել է Ֆ-16 կործանիչների գնման Անկարայի և Վաշինգտոնի գործարքի «արագացման» մասին այն բանից հետո, երբ Ֆինլանդիան դարձավ ՆԱՏՕ-ի անդամ:

ԱՄՆ-ն ավելի վաղ պաշտոնական ծանուցում էր ուղարկել Թուրքիային՝ Անկարայի կողմից ռուսական Ս-400 ՀՕՊ համակարգերի գնման պատճառով նորագույն Ֆ-35 կործանիչների մատակարարման ծրագրից նրան հեռացնելու մասին: ԱՄՆ-ը չեղյալ է հայտարարել Թուրքիայի հետ Ֆ-35 - ի վերաբերյալ համատեղ հուշագիրը՝ այն ստորագրելով Ֆ-35 նախագծի մնացած յոթ գործընկերների՝ Մեծ Բրիտանիայի, Իտալիայի, Նիդեռլանդների, Ավստրալիայի, Դանիայի, Կանադայի և Նորվեգիայի հետ: Թուրքիայի նախագահ Թայիփ Էրդողանը հետագայում հայտարարեց ԱՄՆ - ի կողմից այլ կործանիչներ գնելու առաջարկի մասին, բայց ոչ թե հինգերորդ, այլ չորրորդ սերնդի՝ Ֆ-16: Այս հարցը պետք է համաձայնեցվի ԱՄՆ Կոնգրեսում.պետդեպարտամենտը լոբբինգ է անում այդ հարցի շուրջ՝ համոզելով կոնգրեսականներին, որ գործարքը «ծառայում է Վաշինգտոնի շահերին»:

«ԱՄՆ վարչակազմը նախկինի պես ցանկանում է առաջ տանել գործընթացը, այժմ գործը Կոնգրեսինն է։ ՆԱՏՕ-ին Ֆինլանդիայի անդամակցության հաստատումից հետո գործընթացն արագացավ։ Շվեդիան մեր օբյեկտիվ պահանջները կատարելուց հետո նույնպես կանդամակցի ՆԱՏՕ-ին Այդ հարցերը կարեւոր նշանակություն ունեն դաշինքի բոլոր անդամների անվտանգության համար», - Քալինի խոսքը մեջբերում է Anadolu գործակալությունը։

ԱՄՆ վարչակազմը կարծում է, որ Թուրքիան պետք է ստանա ամերիկյան F-16 կործանիչների արդիականացված տարբերակը, քանի որ դա կարեւորություն է ներկայացնում ՆԱՏՕ-ի պաշտպանունակության համար, ավելի վաղ հայտարարել էր պետքարտուղար Էնթոնի Բլինքենը: Թուրքական NTV հեռուստաալիքին տված հարցազրույցում նա նաև խոստովանել է, որ ԱՄՆ-ն չի կարող Թուրքիային Ֆ-16 կործանիչներ վաճառել առանց Կոնգրեսի հավանության, անհրաժեշտ է վերացնել օրենսդիրների մտահոգությունները:

Աղբյուր` Փաստինֆո