Փաստ ինֆո

«Իմ համոզմունքը այն ա, որ մենք պատերազմը պարտվել ենք, քանի որ բանակում գործել ա 5-րդ շարասյուն։ Սա իմ համոզմունքն ա մի շարք փաստերի վերլուծություն արդյունքում»։

Այս տեղեկատվությունը չի պատկանում սենսացիաներ սիրող ինչ-որ գործչի, որն իրեն հիշեցնելու համար պատրաստ է պետության անվտանգության հիմնական երաշխավոր՝ ՀՀ բանակի վերաբերյալ ախմախություններ դուրս տալ։
Այս հայտարարությունն անելու համար որոշ ժամանակ առաջ 270 րոպեանոց ասուլիս հրավիրած ՀՀ վարչապետի աթոռն զբաղեցնող անձը ի՞նչ էր ուզում ասել։ Ի՞նչ էր սա նշանակում և ի՞նչի մասին էր վկայում այս հայտարարությունը, որին հաջորդող ժամանակահատվածում բազմաթիվ եղան անդրադարձները։

Էս դեպքի համար է ժողասացվածքը՝ գողն ամենաբարձն է գոռում՝ բռնեք գողին․․․
Ցանկացած երկրի զինուժը տվյալ երկրի անվտանգության երաշխավորն է, հենարանը, պատվարը։ Բայց ահա, Հայաստանի Հանրապետության պարագայում պետության հենարանից ու պատվարից ինքն իրեն օտարվելով ՀՀ վարչապետը փորձում է պատերազմի պարտության հիմնական մեղավոր որպես ներկայացնել բանակը, ընդ որում դա անում է հրապարակային և ցուցադրական։ Աշխարհում չկա երկրորդ երկիր, որի ղեկավարը սեփական պատմության, պետության և բանակի դեմ դուրս գա։ Բանակի հանդեպ լինի զարհուրելի մերժողաբար, անսեր․․․

Նրան հետևելով իր ենթականերն էլ նույն բանն են անում։ Նույն բանն են անում նաև ԱԺ ուժային հանձնաժողովը ներկայացնող իշխանական պատգամավորները, պատերազմի պարտության պատճառները քննող ձևական հանձնաժողովը․․․Ի վերջո՝ այս ողջ կոհորտայի անունից՝ հայոց բանակը որպես «դասալիքների» բանակ ներկայացնելու դերն իրեն վերապահելով՝ հանդես է գալիս այսպես կոչված՝ «Էրատո»-ի հրամանատարը, ինչպես՝ ըստ վկայությունների ՝44-օրյա պատերազմի ժամանակ էր հարձակվելու և նահանջելու վերաբերյալ հրամաններ արձակել՝ ոչնչացնելով բանակի հրամանատարներին․․․
Բանակն իրեն ընդդիմադիր է, քանի որ բանակն է սահման պահողը, բանակն է ազգ ու պետություն պաշտպանողը, ուրեմն, բանակը կազմաքանդել է պետք։ Չունես բանակ, պետություն էլ չունես։

ՈՒրեմն, ի՞նչ ունես՝ դու՝ ՀՀ վարչապետի աթոռին նստած․․․Հեռացի՛ր։ Գնա։

Աթոռ ունեմ՝ կասի՝ պինդ կառչելով աթոռից։

Իսկ աթոռից կառչելու համար շատ բան ունի՝ պետբյուջե ունի, պարտքեր անելու անսահման հնարավորություն, անսահմանափակ լիազորություններ, վերջապես՝ էլ չի երազում սուպերմարկետի ապակին կոտրելով ձուկ ու սպիտակ գինի գողանալու մասին, հիմա նախագահական կեցավայրում է քնում-արթնանում, քաջնազարականության հետևորդ որպես՝ նազիր-վեզիրներ, անձնական օգտագործման պարեկներ ունի՝ ազգի, պետության և բանակի հանդեպ գենետիկական ատելությամբ՝ անձամբ կրթած ու դաստիարակած․․․

Իրականում, բացառապես իր աթոռի համար էր փորել «թավշյա հեղափոխություն» կոչված փոսը, որից դուրս գալն այսօր հայության համար հարության և փրկության հանգույն է։
Եվ այդ հարությունը ազգ-բանակ միասնությամբ է լինելու։

Աղբյուր` Փաստինֆո