Փաստ ինֆո

ԱՄՆ առևտրի դեպարտամենտի գլոբալ շուկաների հարցերով փոխքարտուղար Արուն Վենկատարամանը, որը նախօրեին Բաքվից ժամանեց Երևան, Բաքվում հայտարարել է «Միջին միջանցքի» բացման կարևորության մասին։

«Փաստինֆո»-ի եթերում արձանագրել է միջազգայնագետ Գրիգոր Բալասանյանը՝ նկատելով, որ «Միջին միջանքցի» մասին որոշ ժամանակ առաջ խոսել էր նաև Թուրքիայի արտգործնախարար Մևլութ Չավուշօղլուն՝ հայտարարելով, որ դրա տրամաբանական բաղկացուցիչը պետք է լինի նաև «Զանգեզուրի միջանցքը», իսկ սա Ռուսասատանը շրջանցող այլընտրանքային ճանապարհ է՝ Ադրբեջանից Թուրքիա բեռներ հասցնելու համար։

«Եթե ամերիկյան կողմը «Միջին միջանցքի» կարևորության միասն է խոսում, բնական է՝ չի կարող խոսել առանց «Զանգեզուրի միջանցքի» միացման, այն «Զանգեզուրյան միջանցքի», որը շրջանառության մեջ է դրել Ալիևը, քանի որ նման տերմին գոյություն չունի։

Եթե ամերիկացի պաշտոնյան ՀՀ իշխանությունների մոտ այս թեման բարձրացրեց, նրանց առջև դրվելու է հետևյալ խնդիրը՝ տալ «Զանգեզուրի միջանցք» այն պատկերացմամբ, ինչ ուզում է Ալիևը, այսինքն՝ մի միջանցք, որով անցնող բեռների նկատմամբ որևէ իրավական վերահսկողություն չի իրականացնելու Հայաստանը»,- նշել է բանախոսն ու ավելացրել, որ դա հղի է բավականին լուրջ հետևանքներով։

«Եթե հիմնավորվի, որ Հայաստանի վրայով զենք է տեղափոխվում Ադրբեջան, պարզ է՝ այն ուղղվելու է Իրանի դեմ։ ԱՄՆ-ն մտահոգ է, որ Ադրբեջանն ունի երկար սահման Իրանի դեմ ու պետք է զինի նրան։ Արդյունքում Իրանը կարող է կետային հարված հասցնել այդ միջանցքով տեղափոխվող բեռներին, որի հետևանքով, իհարկե, տուժելու ենք մենք»,- նշել է բանախոսը։

Մանրամասները՝ տեսանյութում։

Աղբյուր` Փաստինֆո