Փաստ ինֆո

«Մենք թույլատրելի սահմանագծում ենք, սահման բառն էլ օգտագործել չեմ ուզում, կադրում երևացողը Տեղ գյուղն է, սա էլ նախկին ճանապարհն է՝ մեզ ծանոթ, սակայն ավելի առաջ գնալ մերոնք չեն թույլատրում։ Ավելի հեռվում Արավուս գյուղն է, հարևանությամբ՝ հակառակորդի դիրքերը։ Ավտոերթի մասնակիցների անվտանգությունից ելնելով, մեզ չեն թույլատրում առաջ գնալ»,- սեփական  տեսանյութը հրապարակելով,  հայտնում է ԱԻՄ նախագահ Պարույր Հայրիկյանն, ով այսօր մի խումբ գործընկերների հետ միասին այցելել է Սյունիքի մարզ։

Շրջելով Կոռնիձորում,  Հայրիկյանը նկատում է՝ ժպտացող մարդ չհանդիպեց, բոլորը մտահոգ են։

Քաղաքական գործիչը նկատում է՝ երկրում ստեղծվել է մի այնպիսի մի իրավիճակ, երբ բոլորս բոլորիս պետք է օգնենք, եթե, նույնիսկ, որոշ նրբերանգներ մեզ համար անհասկանալի կամ անընդունելի են, միևնույն է՝ բոլորս պետք է մեզնից կախվածն անենք։ Ընդհանրապես չի սխալվում նա, ով ոչինչ չի անում, ասում է Հայրիկյանն ու հավելում՝  Աստված պահապան բոլոր նրանց, ովքեր ստեղծված իրավիճակում ուղիներ են որոնում մեր ժողովրդի կյանքը բարելավելու, մեր ճակատագիրը ցանկալիին ավելի մոտ դարձնելու համար։

Մանրամասները՝ տեսանյութում

Աղբյուր` Փաստինֆո