Փաստ ինֆո

ՀՀ պաշտպանության նախարարությունը չի հերքում, որ նախարար Սուրեն Պապիկյանը ՊՆ ստորաբաժանումների հրամանատարական կազմին հրահանգել է «Արցախի Հանրապետություն» բառակապակցության փոխարեն գործածել «Լեռնային Ղարաբաղ» արտահայտությունը։

Նշենք, որ մարտի 22-ին գրավոր հարցում էինք ուղարկել ՀՀ պաշտպանության նախարար Սուրեն Պապիկյանին և խնդրել էինք հաստատել կամ հերքել՝ նման բան եղե՞լ է, թե՞ ոչ։ Եւ պարզվեց, որ ՊՆ-ն չի հերքում այն։

Հարցման 4-րդ աշխատանքային օրը ստացանք Պպաշտպանության նախարարության պատասխան նամակը, որով ժամանակ էին ուզել, այսպես կոչված, ուսումնասիրությունների համար. «Ձեր հարցմանն ի պատասխան ՝ տեղեկացնում ենք, որ հարցման մեջ նշված տեղեկությունները տրամադրելու համար լրացուցիչ ուսումնասիրության անհրաժեշտություն կա։ Ըստ այդմ՝ հարցման պատասխանը կտրամադրվի ՀՀ օրենսդրությամբ սահմանված ժամկետներում»։

Նշենք, որ օրենսդրությունը նախատեսում է 30 աշխատանքային օրվա ժամկետ։

Հիշեցնենք, որ մամուլում տեղեկություն էր տարածվել, որ պաշտպանության նախարար Սուրեն Պապիկյանը գաղտնի հրահանգով արգելել է ՊՆ ստորաբաժանումների հրամկազմին «Արցախի Հանրապետություն» բառակապակցության գործածումը։

«Ստորաբաժանումներին ուղարկված նախարարի գրավոր հրամանագրում բառացիորեն ասվում է. «Անհրաժեշտ է լեքսիկոնից հանել «Արցախի Հանրապետություն» բառը, օգտագործել միայն «Լեռնային Ղարաբաղ» բառերը»»,- նշվել էր մամուլում։

Աղբյուր` Փաստինֆո