Փաստ ինֆո

Ադրբեջանի պահվածքը խոսում է այն մասին, որ նա փորձում է աշխարհաքաղաքական այս իրավիճակում պոկել այն, ինչ կկարողանա, անկախ նրանից՝ թե դրան ինչ կհաջորդի։ «Փաստինֆո»-ի եթերում նման կարծիք հայտնեց ռազմական գործիչ, «Հայ ազգային ճակատ» կազմակերպության հիմնադիր Գևորգ Գևորգյանը։

Նրա կարծիքով՝ գործող իշխանությունների, մասնավորապես Նիկոլ Փաշինյանի հիմնական նպատակներից մեկն էլ տարածաշրջանի ապակայունացումն է, որ այն ևս դառնա աշխարհաքաղաքական հրաբխի կետերից մեկը։

«Մինչև Նիկոլի դեմը չկտրենք, ինքն ամեն ինչն անելու է, որ Հայաստանն ու Արցախը նոր զիջումների գնան, իսկ թուրքերը դիրքավորվելով շարունակելու են առաջ գալ ու գալ։ Նիկոլը եկել է Հայաստանը կործանելու, Արցախը ոչնչացնելու, և դա իր մոտ քայլ առ քայլ ստացվում է։ Որևէ հայի մտքով անգամ չէր կարող անցնել այն, ինչ արել ու անում են Նիկոլն և իր շայկան»,- նշեց նա։

Բանախոսի դիտարկմամբ՝ փաշինյանական սադրանքներն անսպառ են. հիմա էլ որոշել է Ազգային անվտանգության համակարգը հիմնահատակ փլուզել։ Ըստ նրա՝ դիրքերից զորքը իջեցրել են և նրանց փոխարեն սահմանապահներ տեղակայել, որոնց ավելի հեշտ է «կառավարելը»։

«Պատահական չէ, որ այնտեղ սահմանապահ զորքերն են կանգնած և սա մեծ հարված է լինելու հենց ԱԱԾ-ին։ Ինչպես 44-օրյա պատերազմի ամբողջ պատասխանատվությունը Նիկոլը փորձեց շուռ տալ ԳՇ-ի և բանակի վրա, հիմա էլ ԱԱԾ-ին է վերջնական ոչնչացնելու՝ արդեն Հայաստանի տարածքների հանձնումը թողնելով նրանց ուսերին»,- ասաց ռազմական գործիչը։

Գևորգյանը կոչ է անում ԱԱԾ սպաներին՝ չենթարկվել Փաշինյանի հրահանգներին և միանալ լինելիության պայքարին։ Նրա խոսքով՝ բոլոր նրանք, ովքեր քիչ թե շատ գիտակցում են մեզանից յուրաքանչյուրի գլխին կախված վտանգն ու դրա հետևանքները, պետք է բռուցքվեն և մոռանան պաշտոնի ու աթոռի մասին։

Հարցազրույցն ամբողջությամբ՝ տեսանյութում։

Աղբյուր` Փաստինֆո