Փաստ ինֆո

Մոսկվայի Բուտիրսկի դատարանը գրանցել է Միխայիլ Խաչատուրյանի դեմ գործը, նրան հետմահու կդատեն սեռական բռնության, պոռնոգրաֆիկ նյութեր պատրաստելու և դուստրերի առողջությանը ծանր վնաս պատճառելու համար: Այս մասին ՌԻԱ Նովոստիին հայտնել են դատարանում:

«Գործը գրանցվել է Մոսկվայի Բուտիրսկի շրջանային դատարանի կողմից մարտի 30 - ին, դրա քննության ամսաթիվը դեռ նշանակված չէ», - ասել է գործակալության զրուցակիցը:

Ինչպես երևում է գործի քարտից, իր դուստրերի ձեռքերից մահացած Խաչատուրյանին որոշել են դատել անչափահասների նկատմամբ սեքսուալ բնույթի բռնի գործողությունների երկու դրվագով, ինչպես նաև մի քանի անձանց նկատմամբ դիտավորությամբ առողջությանը ծանր վնաս պատճառելու և պոռնոգրաֆիկ նյութեր պատրաստելու և համացանցում տարածելու համար:

Աղմկահարույց սպանությունը կատարվել է 2018 թվականի հուլիսի 27-ին Մոսկվայում. ինչպես կարծում է հետաքննությունը, երեք քույրերը հորը դանակահարել են Ալթուֆևսկոյե մայրուղու վրա գտնվող իրենց բնակարանում: Ձերբակալվածներին տեղավորել են մեկուսարանում, այնուհետեւ մեղմացրել են խափանման միջոցը՝ մինչեւ «որոշակի գործողություններ կատարելու արգելքը», այնուհետեւ քույրերին ազատել են էլեկտրոնային թեւնոցներից։

Քննությունն ընդունել է, որ հայրը «ֆիզիկական և հոգեկան տառապանքներ» է պատճառել աղջիկներին, սակայն թողել է ամենախիստ որակումը՝ նշված փաստերը գնահատելով միայն որպես մեղմացուցիչ հանգամանք:

Աղբյուր` Փաստինֆո