Փաստ ինֆո

Թաղավարդում գիշերը հանգիստ է անցել. չնայած երեկվա միջադեպից հետո ադրբեջանական կրակոցների ձայներ չեն լսվել, բայց բնակիչները դեռ մի քանի օր դաշտեր ու այգիներ դուրս չեն գա։ Այս մասին «Փաստինֆո»-ի հետ զրույցում ասաց Թաղավարդի 32-ամյա բնակիչներից մեկը։

Թշնամու թիրախում հայտնված համագյուղացիները պատմել են, որ ադրբեջանցիներն իրենց ուղղությամբ փոքր տրամաչափի զինատեսակներից (АК-74) են կրակել. 3-4 կրակահերթ է եղել։

Զրուցակցիս կարծիքով՝ շատ կարևոր է գյուղատնտեսական աշխատանքների իրականացման ժամանակ ռուս խաղաղապահների ներկայությունը. մարդիկ ավելի ապահով են զգում։

«Արդեն գիտեք, որ գնացել էին դաշտում աշխատելու, երբ ադրբեջանցիները կրակել են։ Մի երկու օր հլը ոչ ոք դաշտ չի գնա։ Դաշտերում աշխատելու համար ռուս խաղաղապահներին պետք է տանեն հետները, առանց ռուս խաղաղապահների աշխատել չի լինում»,- ասաց թաղավարդցի բնակիչը ։

Նրա խոսքով՝ ադրբեջանցիները բնակավայրից 250-300 մետր հեռավորության վրա են գտնվում։ Նախօրեին գրանցված միջադեպը, ըստ նրա, թշնամու կողմից բնակիչներին վախեցնելու, նրանց խուճապի մատնելու և ահաբեկելու հերթական փորձն էր։ Ուզում են այնպես անել, որ մարդիկ հողերն անմշակ թողնեն, ձմռան պաշար չունենան։

«Նպատակը վախեցնելն է, որ մարդիկ չաշխատեն։ Եթե ուզենային բնակիչներին վնասել, սպանել, ապա հնարավոր չէր, որ 250-300 մետրից չկպնեին»,- նշեց տղամարդը։

Նշենք, որ մարտի 26-ին Արցախի ներքին գործերի նախարարությունը հայտարարություն էր տարածել, որ ժամը 11:05-ի սահմաններում, Թաղավարդ գյուղի բնակիչներ Վովա Խաչատրյանը և Ռուբեն Ալավերդյանը «Շեխերի երես» կոչվող տեղամասի ցորենի դաշտում գյուղատնտեսական աշխատանքներ կատարելիս, հայտնվել են ադրբեջանցի զինծառայողների կրակոցների թիրախում։

Նույն օրը՝ ժամը 10:10-ի սահմաններում Արցախի Սոս գյուղի բնակիչներ Ռազմիկ Հարությունյանը և Երվանդ Բալայանը ոստիկանությանը հայտնել են, որ Մարտունու շրջանի Կարմիր Շուկա գյուղի «Խզազեն տակ» կոչվող տեղամասի խաղողի այգում էտման և մաքրման աշխատանքներ կատարելիս, հակառակորդի դիրքերից հրաձգային զենքերով անկանոն կրակոցներ են արձակվել իրենց ուղղությամբ։

Այսօր արդեն Արցախի ՆԳՆ-ն հաղորդագրություն է տարածել, որ մարտի 27-ին՝ ժամը 11:30-ին, Արցախի Հանրապետության պետական տեսչությունների կառավարման կոմիտեի Մարտակերտի շրջանի գլխավոր մասնագետ Ալյոշա Զաքարյանը ոստիկանության շրջանային բաժնում հաղորդել է, որ երեկ՝ մարտի 26-ին, Մարտակերտ քաղաքի վարչական տարածքում հակառակորդի կողմից իրենց ուղղությամբ անկանոն կրակոցներ են արձակել։ Ոստիկանության ծառայողները պարզել են, որ նույն օրը՝ ժամը 11:30-ի սահմաններում, Մարտակերտ քաղաքի վարչական տարածքում պետական տեսչությունների կառավարման կոմիտեին պատկանող նռան այգում գյուղատնտեսական աշխատանքներ կատարելիս ադրբեջանական մարտական դիրքերից բանվորների ուղղությամբ հրաձգային զինատեսակներից անկանոն կրակոցներ է արձակվել:

Բոլոր դեպքերում էլ տուժողներ չկան։ Գյուղատնտեսական աշխատանքները դադարեցվել են։ գյուղատնտեսական աշխատանքները: Միջադեպերի վերաբերյալ տեղեկությունը ոստիկանությունը փոխանցել է ռուսական խաղաղապահ

Աղբյուր` Փաստինֆո