Փաստ ինֆո

Իմ նախագահության օրոք 5-րդ շարասյուն չենք ունեցել։ Լրագրողների հետ հետ ճեպազրույցում հայտարարել է ՀՀ երրորդ նախագահ Սերժ Սարգսյանը՝ անդրադառնալով Նիկոլ Փաշինյանի այն հայտարարությանը, թե Հայաստանը պարտվել է, որովհետեւ բանակում գործել է 5-րդ շարասյուն։

«Եթե այդ մարդը գիտի, որ 5-րդ շարասյուն ենք ունեցել, բա ինչո՞ւ միջոցներ չի ձեռնարկել այդ 5-րդ շարասյան դեմ։ Կարծում եմ, միգուցե ինչ-որ տեղ ճիշտ է ասում, ու ի՞նքն է գլխավորում այդ 5-րդ շարասյունը»,- հայտարարել է երրորդ նախագահը։

Անդրադառնալով ՊՆ նախարար Սուրեն Պապիկյանի այն հայտարարությանը, թե 5-րդ շարասյունը դրսից է ուղղորդվել, Սերժ Սարգսյանն արձագանքեց.

«Երեւի Սուրեն Պապիկյանը հավաստի տեղեկություններ ունի, հակառակ դեպքում այդպիսի անլուրջ հայտարարություններ չի կարող անել։ Ես դրսից կառավարվող այլ մարդկանց գիտեմ, որոնք իրենց երբեք 5-րդ շարասյուն չեն համարում. դրսից կառավարվող ուրիշ մարդկանց չգիտեմ»։

Անդրադառնալով Հայաստանի ու Թուրքիայի միջեւ հարաբերությունների կարգավորման ուղղությամբ ներկայումս իրականացվող բանակցություններին՝ Ս. Սարգսյանը նշել է, որ «Մեր ժամանակ «ֆուտբոլային դիվանագիտության» ընթացքում ուղարկված գնդակը մնաց Թուրքիայի դաշտում, իսկ սրանց վարած դիվանագիտության ընթացքում, ցավոք սրտի, թուրքական «բայրաքթարները» հայտնվեցին մեր երկրում։ Սա է տարբերությունը»։

Երրորդ նախագահը հայտարարել է, որ իր կառավարման տարիներին նպատակը ոչ թե Թուրքիայի հետ ճանապարհները բացելը կամ տնտեսական ինչ-որ նպատակներ էր, այլ Հայաստանի անվտանգությունն ապահովելն էր։

«Մեր ցանկությունն էր, որպեսզի Թուրքիային հեռու պահենք Ադրբեջանին գոնե բացահայտ ռազմական աջակցություն ցույց տալուց։ Մենք մեր բանակցային փաթեթը գոնե հրապարակել էինք, դուք տեղյա՞կ եք իրենք ինչ են բանկցում Թուրքիայի հետ»,- նշել է Սերժ Սարգսյանը։

Մանրամասները՝ տեսանյութում

Աղբյուր` Փաստինֆո