Փաստ ինֆո

Ոստիկանությունը ջրցան մեքենաներ է կիրառել ցուցարարների բազմությունը ցրելու համար, որոնք փակել են Թել Ավիվի կառավարական համալիրի մոտ գտնվող առանցքային ավտոմոբիլային հանգույցը: Այս պահին Թել Ավիվի ողջ տարածքում բողոքի ակցիաների ընթացքում ձերբակալվել է 38 մարդ, հաղորդում է իսրայելական Arutz Sheva պորտալը:

Ձերբակալվածներից շատերը ոստիկանների հետ բախումների մեջ են մտել ձերբակալությունների ընթացքում, գրում է պարբերականը:

Տասնյակ ցուցարարներ նաև փորձել են արգելափակել Հայֆայի հիմնական տրանսպորտային հանգույցները: Աշդոդի ծովային նավահանգստում ցուցարարները այրել են անվադողեր՝ մուտքը արգելափակելու համար, հայտնում է Times ոֆ Israel-ը:

Նեթանյահուի կառավարության դատական բարեփոխման դեմ զանգվածային բողոքի ակցիաներն Իսրայելում սկսվել են վաղ առավոտից։ Ցուցարարները հանրահավաքներ են անցկացրել վարչապետի և կառավարության մյուս անդամների տների մոտ։

Տասնմեկերորդ շաբաթն է, ինչ Իսրայելում շարունակվում են երկրի իրավական համակարգի բարեփոխման դեմ բազմահազարանոց բողոքի ցույցերը։ Առաջարկվող օրենքների փաթեթը զգալիորեն կսահմանափակի Գերագույն դատարանի լիազորությունները, կառավարությանը կտա դատավորների նշանակման վերահսկողություն:

Աղբյուր` Փաստինֆո