Փաստ ինֆո

Զորքերի տեղաշարժերը, զինտեխնիկայի կուտակումները դեռևս դեռ չի նշանակում մարտական գործողությունների իրականացում։ Խորը վերլուծությունից հետո միայն կարելի է հասկանալ, թե դրանք ինչպիսի վտանգավորություն են ներկայացնում Հայաստանի կամ Արցախի համար, և ինչ նպատակներ են հետապնդում։ Այս մասին լրագրողների հետ ԱԺ-ում հարցուպատասխանի ժամանակ հայտարարեց ԱԺ «Պատիվ ունեմ» խմբակցության քարտուղար Տիգրան Աբրահամյանը՝ անդրադառնալով Հայաստանում և Արցախում շփման գծում վերջին օրերին նկատվող թշնամու ակտիվությանը։

Նրա խոսքով՝ դա չի նշանակում, սակայն, որ նոր ռազմական բախման հավանականությունը փոքր է, ավելին՝ ընդդիմադիր խմբակցության քարտուղարի տպավորությամբ՝ խաղաղության պայմանագրի շուրջ բանակցությունները մտել են փակուղի, այդ մասին են վկայում նաև ՀՀ վարչապետ Նիկոլ Փաշինյանի այն հայտարարությունները, թե Ադրբեջանը հրաժարվում է կատարել վերջին շրջանում ձեռք բերված պայմանավորվածություններ և Հայաստանին առաջարկում է այնպիսի պայմաններ, որոնք հատում են բոլոր կարմիր գծերը։

«Առաջնագծում մարտական գործողությունների հավանականությունն առաջին հերթին կարող է պայմանավորված լինել բանակցային գործընթացում ստեղծված իրավիճակով, մասնավորապես, ՀՀ իշխանության հայտարարած այն մոտեցմամբ, որ Ադրբեջանը հետ է կանգնել վերջին շրջանում ձեռք բերված պայմանավորվածություններից և առաջադրել է այնպիսի պայմաններ, որի դեպքում այլևս բանակցելու հնարավորություն չկա։ Իրավիճակը շատ նման է փակուղայինի, բնականաբար այս դեպքում մեծացնում է հնարավոր մարտական գործողությունների հավանականությունը»,- նշեց Աբրահամյանը։

Մանրամասները՝ տեսանյութում։

Աղբյուր` Փաստինֆո