Փաստ ինֆո

ԱՄՆ-ի Օհայո նահանգում կարատեի մարզիչը մեղավոր է ճանաչվել աշակերտին բռնաբարելու երեք դեպքերի համար եւ վեց տարվա ազատազրկում ստացել: Այս մասին հայտնում է VAIO-ն։

31-ամյա Էրին Սթիվենսի դատավճիռը կայացվել է Ավոն Լեյք քաղաքում, որտեղ նա մարտարվեստ էր դասավանդում սեփական մանկական բաժնում: Դատական փաստաթղթերից հետևում է, որ զոհն այնտեղ սովորել է 10 տարեկանից, իսկ ավելի ուշ աշխատել։

Ըստ երիտասարդի, որն այժմ 20 տարեկան է, Սթիվենսը սկսել է սեռական հարաբերություններ ունենալ տղայի հետ, երբ նա 16-ամյա դեռահաս էր: Ինչպես գրում է Chronicle Telegram-ը, հայցվորը նախնական լսումների ժամանակ հայտարարել է, որ կինը «միշտ իր հետ վարվել է ուժի եւ իշխանության դիրքերից» եւ ստիպել է իր հետ սեքսով զբաղվել: «Նա իմ ղեկավարն էր, իմ հրահանգիչն ու դաստիարակն էր», — հայտարարել է տղան։

Երիտասարդը նաև պատմել է, որ առաջին շփման ժամանակ Սթիվենսը «սեքսուալ հպվել է» իրեն, իսկ հետո առաջարկել է տղային մերսում անել։ Արդյունքում նա սեռական հարաբերություն է ունեցել դեռահասի հետ, իսկ ավելի ուշ դա կրկնվել է ևս մի քանի անգամ՝ մեկ տարվա ընթացքում։

Սթիվենսն իրեն մեղավոր չի ճանաչել, սակայն դատարանն ընդունել է մեղադրող կողմի կողմը եւ կնոջը դատապարտել 6 տարվա ազատազրկման: Չնայած հանցագործության պահին զոհն արդեն 16 տարեկան էր, ինչը համաձայնության տարիք է համարվում, դատախազները հաշվի են առել, որ Սթիվենսը նրա ղեկավարն ու ուսուցիչն է եղել, այսինքն՝ օգտվել է վերադաս դիրքից։

Կինը ներառվել է սեռական հանցագործների երրորդ կատեգորիայի մեջ, որը ամենաբարձրն է Օհայոյում: Բանտից դուրս գալուց հետո նա պարտավոր կլինի ողջ կյանքի ընթացքում երեք ամիսը մեկ ներկայանալ ոստիկանություն։

Աղբյուր` Փաստինֆո