Փաստ ինֆո

Այն գործողությունները, որոնք պետք է անի ՀԱՊԿ-ը, չի անում, ինչը ցույց է տալիս իր բացակայությունը։ ՀԱՊԿ գլխավոր քարտուղարի հայաստանյան այցը դեռ չի նշանակում, որ այդ կառույցը դուրս չի գալիս Հայաստանից։ Այս մասին լրագրողների հետ զրույցում ասաց ՀՀ ԱԺ նախագահ Ալեն Սիմոնյանը՝ անդրադառնալով ՀԱՊԿ գլխավոր քարտուղար Իմանգալի Տասմագամբետովի երկօրյա այցին ու ՀՀ վարչապետ Նիկոլ Փաշինյանի այն հայտարարությանը, որ ոչ թե Հայաստանն է ՀԱՊԿ-ից դուրս գալիս, այլ ՀԱՊԿ-ն է Հայաստանից հեռանում։

«Որ եկել էր՝ ի՞նչ։ Ի՞նչ փոխվեց։ Գալ-գնալով հարցը չի լուծվում, իրենք կգան, կգնան, դա չի խանգարի, որ դրանից երկու օր անց որևէ գործողություն լինի։ Մենք դրա փորձն ունեցել ենք՝ էլ ավելի բարձրաստիճան պաշտոնյաների այցերից հետո։ ՀԱՊԿ-ի գործողություններն ու արձագանքն այս պահին ՀՀ-ի համար բավարար չեն»,- նշեց Սիմոնյանը։

ԱԺ նախագահի խսքով՝ Հայաստանը, անկախ նրանից թե որ կազմակերպությանն է անդամակցում և ինչ հետևություններ կարող է արել ստեղծված իրավիճակում, շարունակում է բոլոր հնարավոր ճանապարհները փնտրել ՀՀ անվտանգությունն ապահովելու համար։ և այս պահի դրությամբ չկա որևէ քայլ, որտեղ Հայաստանի՝ ՀԱՊԿ անդամ լինելը խոչընդոտում է կամ անհանգստություն է պատճառում։

Սիմոնյանի կարծիքով, թերևս դա է պատճառը, որ հաճախ պաշտոնական Երևանի այս կամ այն քայլը բավականին սուր արձագանք է գտնում ՀԱՊԿ անդամ երկրների կողմից։

Աղբյուր` Փաստինֆո