Փաստ ինֆո

Մեզ Արամ Մանուկյանի նման առաջնորդ է պակասում։ Նա «Պետք է Ապավինենք Միայն Մեր Ուժերին» կարգախոսով անհույս թվացող իրավիճակում թշնամուն գլխիվայր ջախջախեց և անկախություն կերտեց։ Այս պատմությունից պետք է 2 դաս քաղել։ Այդ մասին Ֆեյսբուքի իր էջում գրել է «Զանգի» հավելվածի հիմնադիր Վահրամ Մարտիրոսյանը։

«1. Հայաստանը ուղղակի չէր լինի եթե Արամը ասեր պետք է ապավինենք դիտորդներին կամ այլ միջազգային-օտար կառույցներին։ Անհատի մոտ էլ է այդպես, երբ նա նույնիսկ մտքի ծայրով հույսը կապում է մեկ այլ անձի հետ, ապա նրա մտքում գործողությունների լրիվ այլ ռազմավարություն է ուրվագծվում, և նվազում է նաև նրա վճռականությունը։

2. Պատերազմում հաղթանակի ամենկարևոր գործոնը դա քաղաքական բաղադրիչն է։ 1918-ին մենք քաղաքական մեկ պայմաններում բոլոր ուղղություններում՝ Սարդարապատում, Ապարանում և Ղարաքիլիսայում ոչ թե կանգնեցրեցինք թշնամուն այլ նրան գլխիվայր ջախջախեցինք։ Իսկ ընդամենը 2 տարի անց, 1920-ին երբ Արամը արդեն չկար, մեր բանակը լինելով ավելի զիված և թվաքանակով բազմակի անգամներ շատ, ցույց տվեց հակառակ արդյունքը՝ ինքը գլխիվայր ջախջախվեց թշնամու կողմից։

Երևանում գլխավոր պողոտաներից մեկը պետք է անվանվի Արամ Մանուկյանի անունով և նրա արձանը պետք դրվի ամենատեսանելի դիրքերից մեկում»,- գրել է նա

Աղբյուր` Փաստինֆո