Փաստ ինֆո

Զույգերի հարաբերությունները կարող են բարդ լինել և մեծ ջանք ու ուշադրություն պահանջել: Կարևոր է սովորել խոսել այնպես, որ դա չվիրավորի զուգընկերոջ զգացմունքները: life.ru-ն հավաքել է այն տասը ստոպ-արտահայտությունները, որոնք չարժե ասել սիրելիներին ու փոխարենն առաջարկել այլընտրանքային տարբերակներ, որոնք կօգնեն ավելի կառուցողական ձևակերպել ձեր մտքերը և հարաբերություններում կոնֆլիկտ չառաջացնել:

Եվ այսպես՝ սիրելիի հետ խոսելիս երբեք չպետք է սկսել նախադասությունն այսպես՝

1.      «Այ իմ նախկինը ավելի լավն էր»։ Դա կարող է անլիարժեքություն ու դժգոհություն առաջացնել զուգընկերոջ մոտ։ Դրա փոխարեն ավելի լավ է ասել՝ «իմ նախկինը դա այսպես էր անում, գուցե դո՞ւ էլ այդպես փորձես անել»։

2.      «Դու միշտ այդպես ես անում» կամ «դու երբեք այնպես չես անում»։ Փոխարենը կարելի է ասել նրբանկատորեն՝ դու դա այսպես ես անում ու դա ինձ դուր չի գալիս, գուցե փոխե՞ս քո սովորույթը։

3.      «Դու պետք է լինես այսպիսին»։ Նախ ոչ մեկ չպետք է փոխի իրեն, որպեսզի դուր գա դիմացինին։ Նա այդպիսին է, բայց եթե ինչ-որ բնավորության գիծ ձեզ հունից հանում է, նրան ասեք այսպես. «Կցանկանայի քննարկենք ու հասկանանք, կարո՞ղ ենք այս հարցում ընդհանուր լեզու գտնել»։

4.      «Չգիտեմ ինչու եմ քո հետ հարաբերությունները շարունակում»։ Այս արտահայտությունը զուգընկերոջ մոտ կարող է անպետքության զգացում առաջացնել։ Ավելի լավ է սկսել այսպես. «Մենք բարդ փուլում ենք, ավելի լավ է աշխատենք մեր հարաբերությունների վրա»։

5.      «Ես քեզ էլ չեմ սիրում»։ Դա պարզապես կարող է կոտրել դիմացինի սիրտը։ Ավելի գերադասելի է ասել հետևյալ կերպ. «Արի խոսենք ու մի լուծում գտնենք»։

6.      «Ահավոր տեսք ունես»։ Ով ասես կարող է քեզ նման բան ասել, բայց սիրած մարդու կողմից նման բան լսելը նման է մեջքին ստացած դանակի հարվածի։ Դրանով զուգընկերոջը կարելի է զրկել իրեն գրավիչ զգալուց ու ստիպել, որ իրեն կոմպլեքսավորված զգա։ Ընդամենը կարելի է  առաջարկել. «Միշտ լավ տեսք ունես, բայց արի այս մեկը հագի, որ ավելի լավ երևաս»։

7.      «Ինչո՞ւ դու չես կարող լինել ինչպես այսինչը»։ Այս համեմատությունը անհարմարություն կարող է առաջացնել դիմացինի մոտ։

8.      «Ես ժամանակ եմ ուզում ինքս իմ համար»։ Սա զուգընկերոջդ կարող է ստիպել զգալ, որ չեք ցանկանում նրա հետ ժամանակ անցկացնել։

9.      «Չեմ ուզում խոսել քեզ հետ»։ Դրա փոխարեն դիմացինին պետք է առաջարկել հետևյալը. «Ես զայրացած եմ, ինձ ժամանակ է պետք հանգստանալու համար, դրանից հետո նոր կխոսենք»։

10.  «Դու ինձ երբեք չես հասկանում»։ Կարելի է փոխարենն ասել. «Կարծում եմ դու ինձ մի քիչ լավ չես հասկանում, արի խոսենք և ես բացատրեմ»։

Աղբյուր` Փաստինֆո