Փաստ ինֆո

Բանակցային պրոցեսում չպետք է բացառել մի իրավիճակ, երբ որևէ առաջարկ կհնչի, որը կլուծի բովանդակային հարցը, բայց ձևով կլինի ուրիշ։ Այդ մասին մամուլի ասուլիսի ժամանակ ասաց Նիկոլ Փաշինյանը՝ պատասխանելով լրագրողի այն հարցին, թե Հայաստանի ու Ադրբեջանի միջև «խաղաղության պայմանագիր» կնքվելու դեպքում ինչպես է պատկերացնում երաշխավորությունը և ում է տեսնում երաշխավորի դերում։

«Մեզ համար շատ կարևոր է, որ լինեն այդ պայմանագրի իրականացման երաշխիքներ. դա կարող են լինել երաշխավորները, կարող են լինել այլ երաշխիքներ։ Մեզ համար կարևորը երաշխավորի ինստիտուտը չէ, այլ՝ երաշխիքներինը։ Այսինքն՝ երբ մենք ասում ենք երաշխավոր, նկատի ունենք իրականացման երաշխիքները՝ կլինեն դրանք երաշխավորները, միջազգային կառույցները, թե մեխանիզմները, էական չէ»,-ասաց Փաշինյանը։
Ճշտող հարցին՝ Արևմուտքն ու ՌԴ-ն բովանդակության առումով ինչ-որ բան ասու՞մ են, վարչապետը պատասխանեց. «Ինձ թվում է՝ նման ըմբռնում կա։ Մենք ասում ենք, որ պետք են երաշխիքներ, որ պայմանավորվածությունները կատարվեն և որևէ մեկը չի կարող ասել, թե դա կարևոր չէ»։

Մանրամասները՝ տեսանյութում։

Աղբյուր` Փաստինֆո