Փաստ ինֆո

Մեծ Բրիտանիայից թոշակառուն եւ նրա սիրեցյալը ձերբակալվել եւ բանտ են նստել այն բանից հետո, երբ ոստիկանությունը հայտնաբերել է նրանց ստեղծած պոռնոկայսրությունը: Այս մասին հայտնում է The Mirror-ը։

80-ամյա Բարրի Թեմփլմենը եւ նրա 67-ամյա սիրեցյալը՝ Դայան Աթկինսոնը, Քինգսթոն-ափոն-Հալ քաղաքից (Իսթ-Ռայդինգ-օֆ-Յորքշիր կոմսություն), սեւ շուկայում մեծ քանակությամբ պոռնոգրաֆիկ բնույթի տեսանյութեր են վաճառել, ինչից հսկայական գումարներ են վաստակել: Պոռնոբարոնի հաշվին ստացվել են 543,7 հազար ֆունտ, 116,6 հազար ֆունտ եւ 115 հազար ֆունտ փոխանցումներ:

Տղամարդուն ոստիկանությունը բռնել է այն բանից հետո, երբ իրավապահ մարմինների աշխատակիցները պարզել են նրա կապը Acorn անունով ընկերության հետ, որը զբաղվում էր չգրանցված պոռնոգրաֆիայի վաճառքով: Պարզվել է, որ Աթկինսոնը նույնպես ներգրավված է սիրեցյալի անօրինական գործունեության մեջ։ Նա թույլ չի տվել խուզարկություն կատարել իր տանը, ինչից հետո ձերբակալվել է։ Բնակարանում իրավապահները գտել են համակարգիչ՝ պոռնոյի վաճառքի գովազդով թռուցիկի մակետով։ Արգելված բովանդակության տարածողը նշել է Acorn Zodiac ընկերությունը, որը կապված է Թեմփլմենի բիզնեսի հետ։

Խուզարկությամբ նրա տանը հայտնաբերվել են արդյունաբերական տպիչ սարքեր և թռուցիկներ։ Պարզվել է նաև, որ Աթկինսոնը կրեդիտ քարտ է ունեցել Էկորն ազգանվան համար։ Ոստիկանները հայտնաբերել են սկավառակների ձայնագրման վեց սարք, չվավերացված պոռնոգրաֆիա, ինչպես նաեւ թերմոս՞ որում թաքցված էր 5,3 հազար ֆունտ կանխիկ գումար:

Ոստիկանությունը հայտնաբերել է պոռնոգրաֆիկ տեսանյութեր և բրոշյուրներ գնելու ամենօրյա պատվերներ։ Այդ պատվերներն ուղղված էին Acorn Zodiac ընկերությանը։

Թեմփլմենին, որն արդեն ունեցել է դատվածություն, դատապարտել են 4,5 տարվա ազատազրկման։ Աթկինսոնը, որը դատվածություն չի ունեցել, երկու տարի եւ երեք ամիս ազատազրկում է ստացել։

Աղբյուր` Փաստինֆո