Փաստ ինֆո

1993 թ․ մարտի 11-ին «Եղնիկներ» պարտիզանական ջոկատի հիմքի վրա Շահեն Մեղրյանի հրամանատարությամբ կազմավորվեց Հատուկ նախանշանակման գունդը, որը մեկ տարի անց վերակազմավորվեց 7-րդ պաշտպանական շրջանի: Այդ մասին Ֆեյսբուքի իր էջում գրել է անվտանգության հարցերով փորձագետ Ալվինա Աղաբաբյանը։

«44-օրյա պատերազմի օրերին, հատկապես Թալիշի ու Մատաղիսի հանձնումից հետո, եթե ընկներ նաև 7-րդ ՊՇ-ն, թշնամին կարողանալու էր հեշտորեն թափանցել խորը թիկունք ու կտրել Արցախի ողջ հյուսիսը։ Բայց «Եղնիկների» տղերքը դա թույլ չտվեցին։

Զորամասն այսօր չկա, կազմալուծված է, բայց տղերքը կան ու այսօր իրենց օրն է, բոլոր էն տղերքի, որ ծառայել են «Եղնիկներում»։

ՏՂԵՐՔ, ՇՆՈՐՀԱՎՈ՛Ր։

Առանձնակի շնորհավորանքներս հատկապես 2-րդ գումարտակի տղերքին՝ իրենց հրամանատար Բազիկյան Սերոբի գլխավորությամբ, էն հրամանատարի, ով դարձավ "Եղնիկների" մերօրյա լեգենդը, ով չպարտվեց, թշնամուն թիկունքը ցույց չտվեց, արեց անհնարինը, բայց մինչև վերջ պահեց Թալիշ-Մատաղիսի հանձնումից հետո կրկնակի մեծացած իր հատված առաջնագիծը, ով դարձավ "Եղնիկներում" իր պատմության մեջ տանկային առաջին մարտի մտահղացման հեղինակն ու կատարողը՝ սեպտեմբերի 29-ի Արեգասարի գրոհի ժամանակ իր 023 կողային համարով տանկի անձնակազմի հետ (տանկի հրամանատար՝ ավագ լեյտենանտ Վահե Ղահրամանյան, մեխանիկ-վարորդ՝ փոխգնդապետ Արմեն Վարդանյան) խոցելով թշնամու 11 միավոր ռազմական տեխնիկա և կանգնեցնելով Թալիշից 7-րդ ՊՇ մտնել ցանկացող թշնամուն, ով իր 4 տղերքի հետ մերձամարտում ոչնչացրեց մի ամբողջ վաշտ հատուկ ջոկատայինների և ռազմագերիներ վերցրեց, ում մոտից էին պատերազմից անգամ ամիսներ անց գալիս թուրքի լեշ տանելու՝ մեր տղերքի դիերի հետ փոխանակելու համար․․․

Հուսամ՝ կգա էն օրը, երբ մեր բանակը կվերածնվի այդ թվում հենց "Եղնիկների" օրինակով...»,-գրել է նա։

Աղբյուր` Փաստինֆո