Փաստ ինֆո

Կիտրոնով ջուրը կարող է մարդուն ավելի գեղեցիկ եւ առողջ դարձնել, նշել է սննդի մասնագետ Ջորդան Փաուերս Ուիլարդը: Այս ըմպելիքի 30-օրյա օգտագործման անսպասելի արդյունքները նա նշել է Eat This not That պարբերականի հեղինակային սյունակում։

Ուիլարդը պատմել է, որ մեկ ամսվա ընթացքում օրական 8-12 բաժակ կիտրոնի ջուր է խմել։ Յուրաքանչյուր բաժակ ջրի մեջ նա ավելացնում էր մոտ 30 միլիլիտր կիտրոնի հյութ, ինչպես նաև միջուկը և կեղևը:

Մեկ ամիս փորձարկումից հետո սննդի մասնագետը նկատել է, որ իր մազերը, եղունգները և մաշկն ավելի ամուր և առողջ են դարձել: «Այս ամբողջ ընթացքում ես սովորականի պես լվանում էի գլուխս։ Այնուամենայնիվ, մազերս դարձել են ավելի քիչ փխրուն և շատ նոր մազեր են առաջացել: Եղունգներս ամրացան և սկսեցին ավելի արագ աճել», - ասել է նա:

Կիտրոնի ջուրն ազդել է նաև կնոջ մաշկի վրա։ Նրա խոսքով՝ մաշկի գույնն ավելի միատոն է դարձել, իսկ դեմքի ցաներն անհետացել են նույնիսկ ամսական հորմոնալ թռիչքների ժամանակ։

Կիտրոնը պարունակում է վիտամին C, B խմբի վիտամիններ, կալիում, ֆոլաթթու, որոնք կարող են նպաստել բորբոքման նվազեցմանը, արյան ճնշման նորմալացմանը, մկանների, վնասված բջիջների, իմունային համակարգի վերականգնմանը։

Ուիլարդը խոստովանել է, որ ճիշտ է սնվում, բայց սովորություն ունի չափից շատ ուտել ։ «Այնուամենայնիվ, որքան շատ կիտրոնի ջուր էի խմում, այնքան ավելի հեշտ էր ախորժակը վերահսկելը։ Եվ ես սկսեցի ավելի հազվադեպ փքվածություն զգալ», - նշել է նա։

Մասնագետը նաեւ պատմել է, որ ամբողջ ամիս նրա արյան ճնշումը նորմայի սահմաններում է եղել եւ անհետացել են ոտքերի մկանների գիշերային ցավերը։ Բացի այդ, մեկ ամսվա ընթացքում Ուիլարդի մոտ նախադաշտանային համախտանիշի նշաններ չեն հայտնվել, որից նա տառապում է երկար տարիներ։

Ուիլարդը հույս է հայտնել, որ ամեն օր կիտրոնով ջուր խմելու իր փորձը կխրախուսի այլ մարդկանց վերանայել իրենց սովորությունները գեղեցկության և առողջության ճանապարհին:

Աղբյուր` Փաստինֆո