Փաստ ինֆո

Ադրբեջանի բանակը քայքայված, թույլ, հալից ընկած բանակ է եւ մեծ ներուժ չունի որեւէ լուրջ գործողություն անելու համար։ ԱԺ-ում լրագրողների հետ զրույցում հայտարարել է ՀՀ ԱԺ «Հայաստան» խմբակցության պատգամավոր Գեղամ Նազարյանը։

Նրա խոսքերով՝ իրավիճակը սարսափելի չէ, մենք այն վիճակում չենք, որ Ադրբեջանն ու Թուրքիան մեզ «բո» անեն ու մենք հանձնվենք:
«Ես ձեզ վստահեցնում եմ՝ Ադրբեջանի բանակը քայքայված, թույլ, հալից ընկած բանակ է եւ մեծ ներուժ չունի որեւէ լուրջ գործողություն անելու համար: Թուրքիան էլ այսօր տնտեսական լուրջ խնդիրների մեջ կորած է»,- ասել է Նազարյանը՝ բացառելով լայնամասշտաբ ռազմական գործողությունները։

«Եթե խոսքը մեծ ռազմական գործողությունների մասին է, ես դա բացառում եմ: Մանր-մունր բաներ, ինչպիսին այս վերջին սպանություններն էին, այո, ես չեմ բացառում: Դրա համար դու պետք է լինես զգոն, աչալուրջ եւ քո խնդիրները կատարես: Չի կարելի արժեզրկել մեր զինվորին ու զինվորականին՝ անընդհատ ներկայացնելով, թե գիտեք, Ադրբեջանն սա է ուզում: Մենք էլ ենք շատ բան ուզում»,- ընդգծել է նա:

Աղբյուր` Փաստինֆո