Փաստ ինֆո

«Մարտի 1»-ը բացահայտված է, բայց մեղավորները դեռևս պատժված չեն։ Այս մասին լրագրողների հետ զրույցում ասաց Նիկոլ Փաշինյանը՝ Մարտի 1-ի զոհերի հիշատակին նվիրված հուշարձանի բացման արարողությունից հետո։

Հարցին՝ ինչու դեռևս բացահայտված չէ, Փաշինյանը պատասխանեց. «Ամենատարբեր պատճառներով, այդ թվում, ձեզ հայտնի իրավական մի շարք որոշումներով։ Այն, որ մինչև հիմա «Մարտի 1»-ի մարդասպանները հայտնաբերված չեն, դա չի նշանակում, որ այդպես չի լինելու»։
Ըստ Փաշինյանի՝ ամենամեծ խնդիրն այն է, որ քրեական գործի վարույթներով հիմնավորվել, ապացուցվել է, որ 2008թ մարտի 1-ից անմիջապես հետո նախաքննությունը ոչ միայն ջանքեր չի գործադրել բացահայտելու տեղի ունեցած հանցագործությունը, այլև՝ բոլոր հնարավոր ջանքերը գործադրվել են, որ բացահայտումը դժվար լինի կամ անհնար դառնա։ Փաշինյանը հայտարարեց, որ հավաքված պարկուճները հետագայում քրեական գործի շրջանակներում փոխվել են, եղած իրական պարկուճները փոխարինվել են այլ պարկուճներով։
«Այսպիսի բազմաթիվ դեպքեր։ Պատկերացնել կարելի է, թե այս ամեն ինչը ինչ հետևանքներ է բերում, բայց դա կապ չունի, այնքանով, որքանով ես կարող եմ դիրքորոշում արտահայտել իրավապահ մարմինների վերաբերյալ, իմ դիրքորոշումն այն է, որ մենք պետք է հասնենք լիարժեք և ամբողջական բացահայտման»,- նշեց Փաշինյանը։

Նա կրկին պնդեց, որ դեպքը բացահայտված է։

«Ես համոզմամբ այսօր էլ եմ հայտարարում, որ բացահայտված է: Դուք գիտեք, որ քրեական գործ է եղել, դատավարություն է եղել: Այն կարճվեց իրավկան մեկնաբանությունների բերումով, որն այլ հարթության խնդիր է: Երբ ասում եմ՝ բացահայտված է, նկատի ունեմ իրականությունը, ինչ քայլերի հերթականություն է տեղի ունեցել: Իվերջո, եկեք չմոռանանք, որ այդ քրգործի շրջանակներում պարզվել է, որ ջոկատներ են կազմվել, պարզվել է, որ ապօրինի վճարումներ են արվել, որ դա արվել է բանակիհովանու ներքո: Հիմնական պատասխանատուները դատարանում էին, բայց հայտնի հանգամանքների պայմաններում փորձ է արվում այնպես անել… ես չեմ ուզում մեկնաբանել իրավական անբողոքարկելի որոշումներ, որոշում է կայացված, բոլորս պետք է ընդունենք ի գիտություն: Այդ թվում ՍԴ որոշումը, եւ այն որոշումները, որոնք բողոքարկելի չեն: Մարտի 1-ը առնվազն մինչեւ կատարողների մակարդակ բացահայտված է: բուն կատարողները հայտնի չեն, իսկ մնացած շղթաները ոնց են աշխատել, իհարկե բացահայտված է»,- հայտարարեց նա:

Աղբյուր` Փաստինֆո