Փաստ ինֆո

ԱԱԾ տնօրենն ու տեղակալներն ատեստավորում չեն անցնելու։ ԱԺ-ում լրագրողների հետ զրույցում ասել է ԱԱԾ տնօրենի տեղակալ, գնդապետ Անդրանիկ Սիմոնյանը՝ նշելով, որ նախագծով նախատեսվում է, որ նրանցից բացի ծառայողներն անցնելու են ատեստավորում աստիճանաբար:

Սիմոնյանը չի մանրամասնել, թե ինչու ԱԱԾ ղեկավար կազմը չպետք է անցնի ատեստավորում: Լրագրողների հարցապնդումներին ի պատասխան՝ԱԱԾ տնօրենի տեղակալն արձագանքել է. «4-րդ անգամ ձեր հարցը կրկնում եք, շնորհակալություն, ես ասացի, որ հարցերի չեմ պատասխանում: Ինչքանո՞վ է սիրուն, ես լիֆտի մեջ կանգնած, դուք հարցեր եք տալիս: Ասացի՝ հարցազրույց չեմ տալիս: Գրավոր դիմեք ԱԱԾ մամուլի կենտրոն»:

Ըստ առաջարկվող նախագծի, ԱԱԾ ծառայողների առաջին ատեստավորումն անցկացվելու է կամավորության սկզբունքով, այնուհետև այն կլինի պարտադիր` յուրաքանչյուր 3 տարին մեկ անգամ։

Ատեստավորում չանցած ծառայողները ոչ միայն կզրկվեն հավելավճարից, այլև կազատվեն զբաղեցրած պաշտոններից ու կանցնեն կադրերի ռեզերվ մինչև 2 ամիս ժամկետով:

Աղբյուր` Փաստինֆո