Փաստ ինֆո

Այն դատավորները, որոնք ցանկանում են խուսափել կարգապահական պատասխանատվության ենթարկվելուց, երևի պետք է հայտնի Դիլիջանյան հանդիպումների ժամանակ մատուցված մոտեցումներով առաջնորդվեն։ «Փաստինֆո»-ի հաղորդմամբ՝ այս մասին լրագրողների հետ զրույցում ասաց Երևանի ընդհանուր իրավասության դատարանի դատավոր Դավիթ Հարությունյանը՝ նշելով, որ Դիլիջանում ներկայացվել է, որ դատարաններում պետք է ստեղծվեն ինչ-որ մամուլի պատասխանատուներ, ցանկացած հարցազրույց իրենց միջոցով պետք է լինի կամ ԲԴԽ մամուլի քարտուղարի։

«Օրինակ, զանգեք հարցնեք՝ ինչպես է իմ առողջությունը, ես պետք է զանգեմ հարցնեմ, օրինակ, կարելի է հարցազրույց տալ, եթե թույլտվություն ստանամ, այդ դեպքում նոր միայն հարցազրույց տամ, այդ դեպքում, երևի կբացառվի պատասխանատվությունը կամ գոնե կնվազի հավանականությունը, որ որևէ դատավոր պատասխպանատվության կենթարկվի»,- նշել է դատավորը։

Ըստ նրա՝ դատավոր Նախշքարյանին պատասխանատվության ենթարկելու ԲԴԽ որոշումը շատ լավ ուղերձ էր, երևի այդ ժամանակ էլ էր այդ ուղերձը, ուղղակի շատերը չեն հասկացել, բայց հիմա հետևություններ երևի կարվեն։ «Ամեն դեպքում, դա այն դատավորներին կվերաբերի, որոնք կխուսափեն կամ կվախենամ ենթարկվեն կարգապահական պատասխանատվության, կամ ընդհանրապես մտավախություն ունեն, թե կարող է նման վարույթներ լինեն։ Բնականաբար դա նորություն չի, կան արդարադատության նախկին- ներկա նախարարի հարցազրույցները, հայտարարությունները, որ այս կարգապահական վարույթները միտված են, որ մյուս դատավորները զգաստանան։

Կարծում եմ, սա նաև իրենց ցանկություններին կամ անկալիքներին հերթական անգամ հասել են»,-նշեց Հարությունյանը։
Նշենք, որ այսօր ԲԴԽ-ն դադարեցրել է դատավոր Զարուհի Նախշքարյանի լիազորությունները՝ հարցազրույցներում՝ դատական համակարգի առջեւ ծառացած խնդիրների մասին բարձրաձայնելու համար։

«Բոլորս էլ ներկա էինք հրապարակմանը, տեսանք ԲԴԽ դատավոր-անդամների դեմքի արտահայտությունը, երբ հրապարակվում էր որոշումը, կարծում եմ բոլորը շատ ծանր վիճակի մեջ են, համոզված եմ՝ բոլորն ինքնուրույն, գիտակցաբար իրենց որոշումն են կայացրել՝ դատավորի լիազորությունները դադարեցնելու համար։ Կարծում եմ՝ իրականում բոլորը մեր՝ իմ և մյուս ընկերների օգնության կարիքն ունեն։ Տիկին Նախշքարյանը մեր օգնության կարիքն, օրինակ, չունի, նա դատավոր է, կշարունակի այդպիսին մնալ, համոզված եմ, որ դեռ կաշխատի, եթե նման ցանկություն ունենա, բայց պետք է լծվենք մեր ԲԴԽ անդամների, դատավոր ընկերների պաշտպանությանը, որովհետև, շատ դեպքերում ակնկալում ենք, թե իրենք պետք է մեզ պաշտպանեն, բայց ինձ թվում է, որ իրականում նրանք պաշտպանության կարիք ունեն»,- նշեց Հարությունյանը։

Մանրամասները՝ տեսանյութում։

Աղբյուր` Փաստինֆո