Փաստ ինֆո

Ռուսաստանի նախագահ Վլադիմիր Պուտինը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել, հայտնում է Կրեմլի կայքը:

«Հեռախոսազրույցի ընթացքում «․․․» անդրադարձ է կատարվել երկկողմ օրակարգի որոշ արդիական թեմաների», — հստակեցրել են մամուլի ծառայությունում։

Ինչպես նշվում է, Ռուսաստանի նախագահը շնորհավորել է Թուրքիայի նախագահին ծննդյան օրվա կապակցությամբ: Էրդողանին նաև շնորհավորական հեռագիր են ուղարկել։

«Հարգելի պարոն Նախագահ, թանկագին ընկեր, ջերմորեն շնորհավորում եմ Ձեզ ծննդյան օրվա առթիվ: Ռուսաստանում գնահատում են ձեր անձնական ներդրումը մեր երկրների միջև բարեկամական հարաբերությունների և կառուցողական համագործակցության ամրապնդման գործում», — ասված է ուղերձում:

Պուտինը վստահություն է հայտնել, որ երկու առաջնորդները կշարունակեն «համակարգված կերպով կյանքի կոչել փոխշահավետ համատեղ նախագծերը» եւ կշարունակեն տարածաշրջանային եւ գլոբալ օրակարգի կարեւոր հարցերի շուրջ ջանքերի համակարգումը:

Բացի այդ, Ռուսաստանի նախագահը նշել է Էրդողանի հեղինակության բարձր մակարդակը հայրենակիցների շրջանում և երկրի սահմաններից դուրս, հատկապես Թուրքիայում տեղի ունեցած ավերիչ երկրաշարժերից հետո ճգնաժամային իրավիճակում: Հատկապես հիմա, Պուտինի կարծիքով, լիովին դրսևորվում են թուրք առաջնորդի՝ որպես պետական գործչի և մարդու լավագույն որակները, նրա քաջությունը, հավասարակշռված և անհրաժեշտ որոշումներ կայացնելու կարողությունը։

Ռուսաստանի նախագահը նաև իր գործընկերոջը մաղթել է քաջ առողջություն, երջանկություն, բարեկեցություն և հաջողություններ:

Լրանում է Էրդողանի 69-ամյակը։

Աղբյուր` Փաստինֆո