Փաստ ինֆո

Քաղաքական լրջագույն պահանջներ են դրված հայկական կողմի առաջ, որոնց իրականացմանը Հայաստանի իշխանությունները ոչ թե դեմ են, այլ պարզապես մտածում են այդ պահանջենրն ինչպես հրամցնել հայ հասարակությանը, որ հանկարծ իշխանական աթոռը չերերա։ Այս մասին «Փաստինֆո»-ի տաղավարում ասաց քաղաքական գործիչ, «Քաղաքացիական պայմանագիր» կուսակցության համահիմնադիր Արթուր Համբարձումյանը։ Նրա կարծիքով՝ 2020 թվականի 44-օրյա պատերազմից հետո էլ ՀՀ վարչապետի և Ադրբեջանի նախագահի միջև «օպերատիվ կապը» չի խաթարվել։

«Պատերազմից հետո այն վերածվել է սուբորդինացիոն կապի, եթե մինչ այդ հորիզոնական հարաբերություններ կային, պատերազմից հետո կապիտուլացված ղեկավարի պարագայում այն վերածվել է ուղղահայաց կապի. դրա մասին է վկայում Կովսականից (Զանգելան) և Սանասարից (Կուբաթլու) հայկական զորքերի հետքաշումը, որը խախտում է նոյեմբերի 9-ի եռակողմ հայտարարությունը։

Կովսականի (Զանգելան) և Սանասարի (Կուբաթլու) մոտ 200 քառ կմ-անոց բուֆեր կար, որը պահում էր ադրբեջանական զորքը դեպի Սյունիք, ինքն է այդ հրամանը տվել, տվել է, որովհետև դա եղել է պահանջ՝ իջեցված Ալիևի կողմից»,- նշեց քաղաքական գործիչը։

Նրա խոսքով՝ ինչպես պատերազմի 44 օրերին, այնպես էլ պատերազմին նախորդող և հաջորդած ժամանակահատվածում Փաշինյանը խաբել ու խաբում է հասարակությանը, միջազգային հանրությանը և հաջորդաբար կատարում է Ալիևի բոլոր պահանջները։ Ադրբեջանի նախագահն էլ հանդուրժողաբար է մոտենում որոշ խնդիրների ձգձգմանը, ռազմական գործողությունների չի դիմում, որ չվնասի իրենց համար պարտնյոր, իսկ հայ ժողովրդի համար՝ պատուհաս իշխանություններին, որոնք Հայաստանը վերածել են գործակալական «պոլիգոնի»։

«Ադրբեջանը և՛ հայկական կողմին, և՛ հայկական կողմի ենթակայության տակ գտնվող Արցախի ղեկավարությանն ուղիղ հրահանգներ է իջեցնում, որոնք կատարվում են. Ռուբեն Վարդանյանի սպասվող պաշտոնանկությունը ևս այս ամենի արտացոլումն է»,- հավելեց Համբարձումյանը։

Հարցազրույցն ամբողջությամբ՝ տեսանյութում։

Աղբյուր` Փաստինֆո