Փաստ ինֆո

Հայաստանում առաջնահերթությունները, ցավոք սրտի, ցանկանում են փոխել և Արցախյկան հիմնախնդիրը տեղափոխել երկրորդ պլան, բայց մենք տեսնում ենք, որ մեր հայրանեկիցները չեն մոռացել այս խնդիրը և կարևորում են հիմնախնդրի լուծումը: Այս մասին Ղարաբաղյան շարժման 35-ամյակին նվիրված համաժողովին հայտարարել է «Հայրենիք» կուսակցության նախագահ Արթուր Վանեցյանը:
«Արդեն երկու ամսից ավել Արցախը շրջափակված է: Ցավոք՝ եկել հասել ենք մի կետի, երբ երբևիցե Արցախն այսքան վտանգված չի եղել՝ ոչ Ղարաբաղյան շարժման մեկնարևկին, ոչ անցած 30 տարիների ընթացքում, մենք չենք ունեցել նամն ծանր իրավիճակ:

Այսօր վտանգված է ոչ միայն Արցախը, այլև՝ Հայաստանը »,- նշեց Վանեցյանը՝ հիշեցնելով, որ 1991-92թթ ձմռանն Արցախը ևս պաշարված էր, չկար սնունդ, չկար զենք, չկար լույս և ամեն ինչ կորցված էր, բայց հայությունը միասնական ուժերով կարողացավ ճեղքել այս շրջափակումը և 1992թ սարսափելի հունվար-փետրվար ամիսներից հետո ունեցանք հաղթանակներ, ազատագրեցինք՝ Իվանյանը, Շուշին, Լաչինը, Քարվաճառը, կարողացանք դուրս գալ Արաքսի ափ՝ ձևավորելով այնպիսի անվտանգային միջավայր, որ Ադրբեջանը հասկացավ, որ չի կարողանալու հասնել իր նպատակին, արցախցուն հանելու իր բնօրրանից: Վանեցյանի դիտարկմամբ՝ դա հայությանը հաջողվել էր, քանի որ կար հավատ դեպի շարժում, դեպի առաջնորդներ, մինչդեռ, այսօր, չկա վստահություն մեր ուժերի նկատմամբ, գրեթե չկա վստահություն որոշումներ կայացնողների նկատմամբ և ունենք մի իրավիճակ, որ կարելի է բնութագրել ամենասարսափելին՝ արցախյան պատմության մեջ: Նրա խոսքով՝ մեկ բռունց դառնալու փոխարեն այսօր տեսնում ենք, թե ինչպես են մեր ժողովրդին պառակտում՝ յուրայինների և ոչ յուրայինների, հակառակորդների, սևերի-սպիտակների, ռուսամետների-արևմտամետների, ինչի հետևանքով չենք կարողանում այն ուժը ստեղծել., որը կկարողանա պայքարել այս դժվարին վիճակում:

«Կասկած չկա, որ այս վիճակի գլխավոր մեղավորը և պատասխանատուն գործող իշխանություններն են: Բախտի բերմամբ, թե պատահմամբ՝ իշխանություն դառնալուց հետո Նիկոլ Փաշինյանը վարել է հետևողական քաղաքականություն՝ Արցախի, որը բերել է այսօրվա իրավիճակին; Այդ քաղաքականությունը բերեց նրան, որ Հայաստանի այսօրվա փաստացի ղեկավարը խաղաղություն է մուրում և փորձում է մեր ժողովրդին համոզել, որ այլ տարբերակ ուղղակի չկա»,- նշեց Վանեցյանը՝ հավելելով, որ որևէ նորմալ մարդ չի կարող խոսել խաղաղության դեմ, բայց մենք պետք է բոլորս հասկանանք, թե ինչ գին ենք վճարելու խաղաղության դիմաց, որը վճարելու են ոչ թե այսօրվա կառավարիչները, այլ՝ բոլորս, հայ ժողովուրդը:

Աղբյուր` Փաստինֆո