Փաստ ինֆո

Գեղարքունիքի մարզի Ազատ գյուղի զորամասի ինժեներասակրավորային վաշտի կացարանում հրդեհի հետևանքով մահացած 15 զինծառայողների ծնողներն այսօր վաղ առավոտից հավաքվել են ՀՀ ՊՆ, ապա՝ Կառավարության շենքի մոտ: Ծնողները չեն վստահում դեպքի վերաբերյալ իրավապահների կողմից բարձրացվող վարկածներին, պնդում են՝ զինծառայողներին նախապես սպանել են, ապա՝ այրել, դեպքի իրական հանգամանքները պարզելու համար մինչև վերջ գնալու են:

Ծնողների ներկայացուցիչ , փաստաբան Նորայր Նորիկյանը լրագրողների հետ զրույցում ասաց, որ գրություններ է ուղարկել ՀՀ զինդատախազին և ՊՆ-ին՝ պահանջելով համատեղ հանդիպում ծնողների հետ: Նրա խոսքով՝ դեպքից մեկ ամիս է անցել, սակայն պետական իրավասու մարմինների վարքագիծը սրտացավության, բարեխղճության, իրենց պարտականությունների կատարման թերացում է և արհամարհական վերաբերմունք՝ ծնողների նկատմամբ: Ծնողները դեպքի վայրում եղել են, սեփական հետաքննություն իրականացրել: փաստաբանը վերահաստատեց ծնողների դիրքորոշումն առ այն, որ տարածքում հրդեհի աշխարհագրությունը, տարածման գործընթացն այնպիսին է, որ տպավորությւոն է, որ որտեղ մահճակալներ կան, այնտեղ՝ հրդեհ է: Նորիկյանի խոսքով՝ իրավապահների կողմից թերի, փնթի դեպքի վայրի զննություն է կատարվել, ավելին, խորը կասկածներ ունեն, որ դեպքի վայրը խախտվել է: Նորիկյանը բացառում է կապիտան Եղիշե Հակոբյանի՝ ցուցմունքում հայտնած տեղեկությունը, որ հրդեհը 15 րոպեում է տարածվել և, որ այդ ընթացքում զինծառայողները քնիչ չեն արթնացել:

Նորայր Նորիկյանն ուշադրություն հրավիրեց այն հանգամանքին, որ ԱԻՆ ծառայողի հայտնած տեղեկությունների համաձայն՝ զինծառայողների մարմինները եղել են մահճակալների վրա, իսկ դիահերձարանում այդ օրը ծնողներից ոմանց գտնվելու հանգամանքով, նկարագրությունը նույնպես հնարավորությւոն են տալիս արձանագրելու, որ երեխաները, կարծխես քնած են եղել, այսինքն՝ անշարժացած դիրքով են եղել և այդպես տեղափոխվել դիահերձարան: Նորիկյանը նշեց, եթե հնարավորություն է եղել Գարուշին և Ժիրայր ունունով զինծառայողներին դուրս գալ, ինչպես ստացվեց, որ մյուսները չեն կարողացել: Զոհված զինծառայողների ծնողներից մեկը նշեց, որ տարածքը մեկուսի է եղել, վառարանը եղել է երեք մետր հեռավորության վրա՝ ննջասենյակից, այդ տարածքում ապրել, քնել են 22 զինծառայող: Ծնողն ընդգծեց՝ Ալեն Սիմոնյանին պետք է ասել, որ այդտեղ պայմաններ չեն եղել, ինչպես է ստացվում, որ 21-րդ դարում ջուրը տաքացնում են, որ լողանան: Ծնողներից մեկն էլ ուշադրություն հրավիրեց այն հանգամանքին, որ զինծառայողների մարմինները նորմալ էր, բայց գլուխները գոյություն չուներ. «Ո՞վ է հրաման տվել, որ վառեն երեխեքի գլուխները: Մինչև վերջ գնալու ենք՝ մինչև արտաշիրիումում: Բոլորի գլուխները մոխրացած են»:

«Ոնց կարո՞ղ է՝ մարդը գոռա ցավից, զինվորը չլսի, չարթնանա: Զինվորը մի հրամանից՝ վեր կաց հրամանից, կանգնած են: Մթության մեջ, որ արձագանքում է, կապիտանի գոռոցը, որ փորձել է ինքնասպան լինել, եթե կապիտանը չէր շեղում, որ փրկեին մեր երեխեքին, նախ պետք է հասկանալ՝ մինչև երեխեքի վառվելը ինչի համար էր իրան մեղադրում »,- ասաց ծնողը:

Զինծառայողներից մեկի ծնողն էլ, շարունակելով միտքը, ասաց. «Դրանք դիտավորյալ են վառել երեխեքի գլուխը: ՊՆ-ից եկել են, ասել են՝ երեխեքին, այս լավ երեխեքին վառեք»: 

Աղբյուր` Փաստինֆո