Փաստ ինֆո

Երեք օր շարունակ Արարատ Միրզոյանի՝ Անկարա այցելելուց հետո օր ու գիշեր տեղեկություն է տարածվում, որ համաձայնություն է ձեռք բերվել Թուրքիայի և Հայաստանի միջև Անիի կամրջի վերանորոգման շուրջ, ինչի մասին հայտարարել էր Թուրքիայի ԱԳ նախարարը։ Արարատ Միրզոյանի ներկայությամբ Չավուշօղլուն նշում է «Մետաքսի ճանապարհի» կամուրջը, մինչդեռ դա և՛ պատմագիտության, և՛ հնագիտության մեջ ընդունված է որպես Անիի կամուրջ։ Այս մասին հրավիրված մամուլի ասուլիսին ասաց ԱԺ «Հայաստան» խմբակցության պատգամավոր, ՀՅԴ գործիչ Գեղամ Մանուկյանը։

Պարզվում է, սակայն, Անիի կամուրջը վերանորոգելու անհրաժեշտության մասին թուրքական ԶԼՄ-ներն ավելի վաղ էին գրում։ Մասնավորապես, Գեղամ Մանուկյանը, մեջբերելով տարբեր ժամանակահատվածներում պաշտոնատար անձանց հայտարարությունները, նշեց, որ դեռևս պաշտոնապես հայտարարվել է բազմիցս, գործողություններ են սկսվել Անիի կամրջի վերանորոգման համար, չկար դեռ հայ-թուրքական կարգավորման որևէ գործընթաց, 44-օրյա պատերազմ, որին ակտիվ մասնակցություն է ունեցել Թուրքիան։

«Իրականում հայ-թուրքական այսօրվա երկխոսության հետ Անիի կամրջի վերանորոգման աշխատանքները որևէ աղերս չունեն»,- նշեց Մանուկյանը՝ հավելելով, որ այս երկու օրը համացանցի հայկական տիրույթում ինչ-որ էսքիզներ են տարածվում, մինչդեռ, նույն էսքիզները

2019թ թուրքական մամուլում հրապարակվել է։
Գեղամ Մանուկյանի դիտարկմամբ՝ դա հերթական անգամ վկայում է, որ հայ-թուրքական հարաբերությունների «կարգավորման» գործընթացը լոկ ծխածածկույթ է, լոկ գեղեցիկ, փոքրիկ դետալների հավաքածու է, որը հրամցնում են ժողովրդին, թե տեղի են ունենում լուրջ գործընթացներ։

Ինչ վերաբերում է Մարգարայի կամրջով հումանիտար օգնությանը, փրկարարների վերադարձին, որը ներկայացվում է որպես պատմական, Մանուկյանն ընդգծեց, որ հայկական կողմից այլևս որևէ հիշատակում չի արվում այն մասին, որ Մարգարայի կամուրջը, հայ-թուրքական սահմանը փակվել է 1993թ. Թուրքիայի կողմից՝ որպես Հայաստանի նկատմամբ ճնշում։

Աղբյուր` Փաստինֆո