Փաստ ինֆո

Հայաստանն առ այս պահը չի կատարել ՄԻԵԴ-ի արձանագրումը ու ԲԴԽ որոշումները բողոքարկելու հնարավորություն առ այս պահը դատավորները չունեն։ «Փաստինֆո»-ի հետ զրույցում նշել է միջազգային իրավունքի մասնագետ Արա Ղազարյանը՝ նշելով, որ սխալ է մոտեցումը, թե Վենետիկի հանձնաժողովը հավանություն է տվել նախագծին, որ ԲԴԽ ներսում ստեղծվի պալատ, ինչպես՝ ՄԻԵԴ-ում է։

Ղազարյանը նախ ընդգծեց, որ արդարադատության նախարարությունն ընդհանրապես չպետք է լիազորություն ունենա՝ դատավորի նկատմամբ կարգապահական վարույթ հարուցելու, իսկ եթե Սահմանադրության ուժով կամ սուվերեն իրավական համակարգ է և որոշվել է, որ դա այդպես պետք է լինի, ապա, միևնույն է, գոնե պետք է նվազագույնի հասնի, մինչդեռ, այս պայմանը չի պահպանվում։ Դատավորի նկատմամբ կարգապահական վարույթ պետք է հարուցվի միայն վարքագծի կանոնների, այլ ոչ թե՝ դատավորի դատական ակտի հետ կապված և, այս պայմանը նույնպես, բազմիցս խախտվել է։ Բացի այդ, դատավորը պետք է կարողանա բողոքարկելու իր վերաբերյալ ԲԴԽ կայացրած որոշումը, սակայն այս կանոնը ևս չկա, քանի որ բողոքարկման մարմին մենք չունենք։

«Շատ պետություններ կան, որտեղ հնարավորություն են տալիս բողոքարկելու բարձրագույն ատյան։ Սխալ է այն մոտեցումը, թե Վենետիկի հանձնաժողովը հավանություն է տվել նախագծին, որ ԲԴԽ ներսում ստեղծվի պալատ, ինչպես՝ ՄԻԵԴ-ում է։ Ոչ։ Նույնիսկ հպանցիկ կարդալով կարելի է համոզվել, որ Վենետիկի հանձնաժողովն ասել է՝ իմ կանոնը սա է, այն է՝ բողոքարկման հնարավորություն, երկրորդ՝ ես ձեզ բազմաթիվ այդ մասին ասել եմ, երրորդ՝ քանի որ Սահմանադրությամբ արգելք կա, ուրեմն պետք է հնարավորինս կոմպրոմիասային լուծում գտնել։ Կոմպրոմիսը հարցի ժամանակավոր լուծում է՝ ելնելով միայն տվյալ գործի հանգամանքներից։ Յուրաքանչյուր գործ այդ կոմպրոմիսի շրջանակների մեջ դնելով՝ մի դեպքում կարձանագրենք խախտում, մի դեպքում՝ ոչ, կախված, թե վարույթն ինչպես է ընթացել»,- նշեց Արա Ղազարյանը։

Մանրամասները՝ հարցազրույցում

Հեղինակ՝ Իզաբել Սահակյան

Աղբյուր` Փաստինֆո