Փաստ ինֆո

Թուրքիան ի ցույց դրեց իր երախտամոռությունը ու իրենց համար ամենածանր իրավիճակում օգնության ձեռք մեկնած հայ փրկարարներին փորձեց մեղադրել գողության մեջ։ «Փաստինֆո»-ի եթերում արձանագրել է միջազգայնագետ Գրիգոր Բալասանյանը՝ ուշադրություն հրավիրելով ադրբեջանական եւ թուրքական լրատվամիջոցների տարածած կեղծ տեղեկատվության վրա։

Հիշեցնենք, որ ադրբեջանական և թուրքական մամուլը տեղեկատվություն էր տարածել, թե, իբր, Թուրքիայում աշխատող հայ փրկարարներից երկուսը ձերբակալվել են գողության մեղադրանքով, իսկ որպես աղբյուր մատնանշել «Ակօս» պարբերականի հայալեզու էջերի խմբագիր Բագրատ Էստուկյանին։

Հայկական լրատվամիջոցներն անմիջապես կապ են հաստատել Բագրատ Էստուկյանի հետ, ով ոչ միայն հերքել է դա, այլ նաև նշել, որ երբևէ նման հայտարարություն չի արել։ Պաշտոնական հերքմամբ հանդես է եկել նաեւ ՀՀ ՆԳՆ-ն՝ այն որակելով բացարձակ սուտ տեղեկություն։

«Սա եւս մեկ անգամ խոսում է թուրքական երախտամոռության մասին, որ փորձեցին հայ փրկարաներին ներկայացնել այլ լույսի ներքո, իբր, հայերը գող են»,- նշել է Բալասանյանը՝ ավելացնելով, որ ավստրիական կառավարությունն է հստակ պատասխանել, թե ովքեր են իրականում գողերը։

Նա արձանագրմամբ՝ ավստրիական կառավարությունը որոշում է կայացրել էվակուացնել և հետ կանչել իր փրկարարներին, քանի որ, ըստ ավստրիական կողմի, թալանչիների խմբեր են ձեւավորվել, որոնք զինված են հրազեններով, ու հարձակումներ են իրականացնում փրկարարների վրա, ինչպես նաեւ միմյանց միջեւ են լուրջ բախումներ սկսվել, որի պայմաններում ավստրիացի փրկարարները չեն կարող աշխատել։ Մի քանի օր առաջ իր փրկարարներին հետ էր կանչել նաև Գերմանիան։

«Սա խոսում է թուրք ազգի հատկանիշների մասին, որ նրանք աղետի գոտում անգամ օգտագործում են թալանելու հնարավորությունը»,- ասել է Գ. Բալասանյանը։

Մանրամասները՝ տեսանյութում։

Աղբյուր` Փաստինֆո