Փաստ ինֆո

Թուրքիայում ավերիչ երկրաշարժները տեղի ունեցան արեգակնային օրացույցով Նապաստակի տարվա մեկնարկին, այսինքն` երբ Նապաստակի տարին մտավ իր լիիրավ իրավասությունների մեջ։ Շատ վատ նշան է տարվա հենց սկզբին նման երկրաշարժների գրանցումը: Նման կարծիք է հայտնել աստղաբան Աննա Հախվերդյանը` նշելով, որ դա վկայում է այն մասին, որ աղետները կարող են կրկնվել։

«Եթե խոսենք այդ ավերիչ աղետների ասղաբանական պատճառների մասին, պետք է նշենք Մարսի անբարենպաստ դիրքը Երկվորյակ աստղակերպում։
Եթե համեմատենք փետրվարի 6-ին Թուրքիայում տեղի ունեցած երկրաշարժը Երզնկայի երկրաշարժի հետ, որը տեղի է ունեցել 1939 թվականի դեկտեմբերի 26-ին, ապա կտեսնենք բավականին շատ ընդհանրություններ։ Նախ՝ այս երկրաշարժը Թուրքիայում տեղի է ունեցել անմիջապես լիալուսնից հետո․ փետրվարի 5-ին տեղի է ունեցել լարված լիալուսին։ Նույնը կարելի է ասել 1939 թվականի Երզնկայի երկրաշարժի մասին, որը իր ավերածություններով և զոհերի քանակով համարվում էր ամենահզորը նորագույն պատմության մեջ», - նշել է աստղաբանը։

Ըստ նրա, կա ևս մեկ տագնապալի նշան, որը 1939 թվականի երկրաշարժը կապում է այս 1923 թվականի երկրաշարժի հետ։ «39 թվականը ևս եղել է Նապաստակի տարի, և տարվա անմիջապես հենց սկզբից՝ հունվարի 24-ին տեղի է ունեցել ևս մեկ ավերիչ երկրաշարժ Չիլիում, որը ազդարարել է տարվա սկիզբը, որից հետո սկսվել է Երկրորդ համաշխարհային պատերազմը։ Սա, ըստ էության, շատ հետաքրքիր փոխկապակցման խորհրդանիշ է, որը նշանակում է, որ այս տարի ևս հնարավոր են լուրջ ռազմական գործողություններ, որը հենց խորհրդանշում է այս երկրաշարժը», - «Փաստինֆո»-ի եթերում ասել է աստղաբանը։

Մանրամասները` տեսանյութում:

Աղբյուր` Փաստինֆո