Փաստ ինֆո

Օրերս «Թրանսփարենսի» հակակոռուպցիոն կազմակերպությունը հրապարակեց կոռուպցիայի ընկալման համաթիվը։ Արդյո՞ք կառավարության կողմից եղել են որոշակի հանձնարարականներ, ուսումնասիրություններ, քննարկումներ։ Այս հարցը քննարկել ենք խմբակցության ղեկավարի հետ և մեր այդ կազմակերպություններին, որոնց տվյալների հիման վրա ձևավորվում է նաև այս համաթիվը, հրավիրում եմ խորհրդարան։ Այս մասին ԱԺ-ում կառավարության հետ հարցուպատասխանի ժամանակ ասաց ԱԺ «Քաղաքացիական պայմանագիր» խմբակցության պատգամավոր Սիսակ Գաբրիելյանը՝ դիմելով Նիկոլ Փաշինյանին։

«Կցանկանայի հասկանալ՝ ուսումնասիրություն կատարվե՞լ է, թե ինչի հետ է կապված։ Շատ կարճ պարզապես ասեմ, որ խնդիր կա միսկոմունիկացիայի հետ կապված, որովհետև չի կարող ստացվել, որ մեկ այլ հեղինակավոր կազմակերպություն տալ, որ մեզ մոտ խոսքի ազատության առաջընթաց է, մամուլի ազատություն կա, տնտեսական ազատություն կա, բայց այստեղ նվազում է, մի փոքր չի բռնում»,- ասաց Սիսակ Գաբրիելյանը, ինչին արձագանքելով Նիկոլ Փաշինյանը նշեց, որ մտահոգված է ակդ տվյալով, իր վերաբերմունքն ամենևին էլ այն չէ, որ վիճակագրության կամ այլ սխալ կա։

«Եթե նույնիսկ այդպես է, մեր քաղաքականությունն այն է, որ բոլոր հնարավոր սխալներով, մենք պետք է բոլոր ռեյտինգներում ունենանք առաջընթաց։ Եթե մենք ունենք հետընթաց, նշանակում է՝ ինչ-որ բան այնպես չէ։ Այդ թեմայով մի քանի քննարկումներ ունեցել եմ, վաղը կառավարության նիստում էլ նախատեսում եմ, որ կունենանք։ Նաև այս շաբաթ հակակոռուպցիոն քաղաքականության խորհրդի արտագնա նիստն ենք անելու»,- նշեց Փաշինյանը՝ հավելելով, որ բացարձակապես անընդունելի է այն փաստը, որ հակակոռուպցիոն քաղաքականության միջազգային ռեյտինգներում թեկուզ փոքր հետընթաց ենք սահմանում, բայց ոչ այն տրամաբանությամբ, որ ինչ-որ մեկն ինչ-որ բան սխալ է հաշվել, որովհետև սխալ հաշվարկի արդյունքում պետք է ունենալ ոչ թե 10 կետ առաջընթաց, այլ՝ 9 կամ 8, այլ ոչ թե՝ երեք կետ հետընթաց։

Ըստ Փաշինյանի՝ մեծ դեր ունի նաև ԶԼՄ-ների արված հրապարակումներն այս կամ այն պաշտոնյաների կողմից կոռուպցիոն գործարքների վերաբերյալ։

«Ուզում եմ առաջարկել բանաձև, որ այդպիսի որևէ հրապարակում անարձագանք չմնա։ Եթե ճիշտ չէ, թող քաղաքացիական հայցի կարգով գնալ և հետևողական լինել, թող երկու տարի հետ լինի որոշումը, մեկ տարի հետո լինել, որովհետև դատական գործերը երբեմն արհեստականորեն կամ բնական ձգձգվում են։ Կարող ենք նույնիսկ դատական համակարգի ներկայացուցիչներին հրավիրել կառավարության նիստին, որ այս հարցն էլ քննարկենք։ Դա կոռուպցիայի համաթիվ է։ Կոռուպցիայի դեմ պայքարում, պայքարում ենք՝քրեական գործեր կան, որ չորս տարի հարուցված են, դատական գործեր կան, որ ընթանում են, հատուկ այնպես են անում, որ գործերն ընթանան, վաղեմության ժամկետներն անցնեն, փակվեն»,- ասաց Փաշինյանը։

Նրա խոսքով՝ ամեն շաբաթ կոռուպցիոն գործերով ձերբակալումներ են լինում։

Մանրամասները՝ տեսանյութում

Աղբյուր` Փաստինֆո