Փաստ ինֆո

Արամ Սարգսյանի «Հանրապետություն» կուսակցության անդամ, նախկին պատգամավոր ու նախկին նախարար Արտակ Զեյնալյանը չի շտապում բացել ՄԻՊ թեկնածու պաշտոնում ինքնառաջադրվելու վերաբերյալ տարածված տեղեկությունները: «Փաստինֆո»-ի հարցին, թե պատրաստվում է առաջադրվել ՄԻՊ թեկնածուի պաշտոնում, Զեյնալյանը պատասխանեց.

«Իմ հստակ, աներկբա պատասխանը Ձեզ, գիտակցված, իրազեկված պատասխանս՝ Ձեզ՝ առանց մեկնաբանությունների»,- ասաց նա:
Նշենք, որ այսօր մամուլում տեղեկություն կար, որ որ իշխանությունը բանակցում է քիչ թե շատ հեղինակություն ունեցող իրավաբան-գործիչների հետ, որ «ինքնառաջադրվեն»․ շրջանառվող լուրերի համաձայն՝ Արտակ Զեյնալյանը կինքնառաջադրվի որպես անկախ թեկնածու, իսկ ՔՊ-ն պաշտպանի նրա թեկնածությունը։

Հիշեցնենք, որ ՄԻՊ պաշտոնում առաջադրումների 2-րդ տասնօրյակն է սկսվել։ Առաջին 10 օրը լրացավ փետրվարի 2-ին, սակայն ԱԺ խմբակցություններից ոչ մեկը՝ օրենքով նախատեսված կարգով, թեկնածու չառաջադրեց։ Եվս 10 օր է նախատեսում օրենքը, որ ԱԺ Մարդու իրավունքների հանձնաժողովում առաջադրվեն նոր թեկնածուներ։ Այժմ ցանկացած մեկը, որն օրենքով համապատասխանում է սույն պաշտոնի չափորոշիչներին, կարող է ինքնառաջադրվել։ ՄԻՊ թեկնածու կարող են առաջադրել ԱԺ բոլոր խմբակցությունները։

Աղբյուր` Փաստինֆո