Փաստ ինֆո

Մեզ հայտնի է մեկ փաստաթուղթ՝ 2020թ նոյեմբերի 9-ի, պատահաբար ձեռքներիս տակ է հայտնվել դեկտեմբերի 18-ի ճանապարհը, որտեղ Կապան-Ճակատեն ճանապարհը զիջել են Ադրբեջանին, դրանք չեն մտցվում օկուպացված տարածքների մեջ։ Համապատասխան ինստիտուտից պարզել ենք, որ Գորիս-Կապան-Ճակատեն ճանապարհը կառուցվել է ՀԽՍՀ նախարարների խորհրդի որոշմամբ։ ՀԽՍՀ նախարարների խորհուրդը չէր կարող Ադրբեջանի հողը տալ ճանապարհին, ճանապարհի կառուցման համար կատարվում է հողահատկացում։ Այս մասին Ադրբեջանի կողմից Լաչինի միջանցքը փակելու վերաբերյալ հայտարարության նախագծի շուրջ խորհրդարանական լսումների ժամանակ ասաց նախկին վարչապետ Հրանտ Բագրատյանը։

Նա ուշադրություն հրավիրեց այն հանգամանքին, որ մենք չգիտենք, թե ինչ է ստորագրվել 2021թ հունվարի 11-ին, նոյեմբերի 26-ին, ասում են՝ պայմանավորվածություններ, չգիտենք՝ ինչ է եղել Սոչիում, փաստաթուղթ կա, թե ոչ։

«Բայց հիմա նայեք ինչ ենք ստորագրել։ Մենք միայն Արցախի հողատարածքները չէ, որ տվել ենք նոյեմբերի 9-ի փաստաթղթով, մենք երկու բան էլ ենք տվել։ Նախ՝ սահմանվել է, որ այդ փաստաթուղթը գործում է մինչ հինգ տարի, այսինքն, մնաց երկու տարի, Լաչինի միջանցքը կարող է չլինել, որովհետև Ադրբեջանը կարող է դրա հետ չհամաձայնել։ 9-րդ կետով մենք, ըստ իս, չենք օգտագործել միջանցք բառը, միջանցք ենք տվել՝ Ադրբեջանի արևմտյան շրջանների և Նախիջևանի միջև՝ ՀՀ տարածքով, սրա վրա հինգ տարի ժամկետ չկա»,- նշեց Բագրատյանը։

Աղբյուր` Փաստինֆո