Փաստ ինֆո

ԱԺ «Հայաստան» խմբակցության պատգամավորներ Սեյրան Օհանյանին և Արմեն Չարչյանի նկատմամբ քրեական հետապնդում հարուցելու համար համաձայնություն տալու ՀՀ գլխավոր դատախազի ներկայացրած միջնորդագրերը ԱԺ-ն կքննարկի առաջիկա նիստում: Այս մասին «Փաստինֆո»-ի հետ զրույցում ասաց ՀՀ ԱԺ նախագահի մամուլի խոսնակ Ծովինար Խաչատրյանը:

Տեղեկություններ կան, որ գլխավոր դատախազը նոր միջնորդագրեր է ԱԺ ներկայացնելու մասին. խոսքը, մասնավորապես, վերաբերում է «Հայաստան» խմբակցության պատգամավորներ Իշխան Սաղաթելյանին ու Գեղամ Մանուկյանին: Ի պատասխան մեր հարցադրման՝ ԱԺ նախագահի մամուլի խոսնակը նշեց, որ խորհրդարանը վերջիններիս վերաբերյալ միջնորդագրեր չի ստացել:

«Տվյալ պատգամավորների վերաբերյալ որևէ միջնորդություն չենք ստացել»,- ասաց նա:

Հիշեցնենք, որ ՀՀ գլխավոր դատախազ Աննա Վարդապետյանը ՀՀ պաշտպանության նախկին նախարար, «Հայաստան» խմբակցության ղեկավար Սեյրան Օհանյանին նկատմամբ քրեական հետապնդում հարուցելուն համաձայնություն տալու երեք միջնորդագիր է ներկայացրել ԱԺ նախագահ Ալեն Սիմոնյանին, ինչից օրեր անց ներկայացվեց «Հայաստան» խմբակցության երկրորդ պատգամավորի՝ հայտնի բժիշկ Արմեն Չարչյանի նկատմամբ քրեական հետապնդում հարուցելուն համաձայնություն տալու մասին միջնորդագիրը։

Աղբյուր` Փաստինֆո