Փաստ ինֆո

ԼՂ նախակրթական հաստատությունների շուրջ 6000 սաներ, հանրակրթական դպրոցների շուրջ 19000 աշակերտներ, բուհերի շուրջ 6800 ուսանողներ արդեն մեկ ամիս է՝ զրկված են ամենակեսնական իրավունքներից մեկից՝ կրթության իրավունքից։ Այդ մասին Կառավարության նիստի մեկնարկին իր ելույթում նշեց վարչապետ Նիկոլ Փաշինյանը։

«Չբավարարվելով Լաչինի միջանցքը փակելով՝ Ադրբեջանը փակել է նաև ԼՂ-ն սնուցող գազի խողովակը, հետո բացել 10 տոկոսով, հետո նորից փակել և այսպես շարունակ։ Ադրբեջանը շարունակաբար կիրառում է նաև գազային ճնշման գործիքը։ Մանկապարտեզների չաշխատելու մյուս պատճառը սննդի բացակայությունն է։ ԼՂ կյանքի ճանապարհը՝ Լաչինի միջանցքը, որը սահմանվել է 2020թ․ նոյեմբերի 9-ի եռակողմ հայտարարությամբ և որի անխափան գործունեության գրավոր երաշխիքներ են տվել Ադրբեջանն ու ՌԴ-ն, փակ է արդեն 46 օր։ ԼՂ բնակչության բնականոն կյանքը խաթարված է և հումանիտար ճգնաժամը ծավալվում է ամբողջ թափով»,-շեշտեց Փաշինյանը։

Վարչապետը հիշեցրեց, որ Ադրբեջանը խափանել է նաև ԼՂ-ն հոսանքով ապահովող գծերի աշխատանքը, իսկ առաջին անհրաժեշտության ապրանքները մարդիկ ձեռք են բերում կտրոնային համակարգով։

«Այս ամենով Ադրբեջանը մեկ նպատակ է հետապնդում՝ կոտրել սեփական հայրենիքում ապրելու՝ ԼՂ հայության կամքը։ Բաքվի պլանը հետևյալն է՝ ԼՂ-ում տնտեսական , հոգեբանական ճնշումը հասնցել մի կուլմինացիոն կետի, դրանից հետո մի քանի օրով բացել միջանցքը՝ ակնկալեով, որ ԼՂ բնակիչները զանգածաբար կլքեն իրենց տները, հետո նորից փակել և այդպես այնքան ժամանակ, մինչև վերջին հայը կլքի ԼՂ-ն»,-ասաց Փաշինյանը և հավելեց, որ դա էթնիկ զտման բացահայտ քաղաքականություն է, և միջազգային հանրությունը աստիճանաբար սկսել է հասկանալ դա։

Մանրամասները՝ տեսանյութում

Աղբյուր` Փաստինֆո