Փաստ ինֆո

Բոլոր հարցաքննված վկաները վկայում են այն մասին, որ բենզինով վառարանը վառելու վարկածը հիմնավորվում է։ Ավելին, երկու օր առաջ օրապահը, ով անմիջականորեն ականատես է եղել դեպքին, ցուցմունք է տվել և հաստատել է այդ վարկածը։ Այս մասին կառավարության նիստին ասաց ՀՀ ՔԿ նախագահ Արգիշտի Քյարամյանը։

Նիկոլ Փաշինյանը, շարունակելով առաջ մղել առաջ քաշված վարկածը, հայտարարեց. «Պետք է ընդգծել, որ մենք էլ, երբ տեղեկացել ենք, ասվել է, որ այնտեղ օգտագործվել է բենզին, որն անհրաժեշտ է բուլդոզերների համար, ինչից հետո հարց է ծագել, որ բուլդոզերներն իրականում դիզվառելիք են օգտագործում, բենզինն ինչ գործ ունի, հետո պարզվեց, որ բենզինն անհրաժեշտ է բուլդոզերը «խոդ» գցելու համար։ Գործի տվյալներով հիմնավորվում է, որ վառարանում կրակը մարած է եղել, զինվորը բերել փայտեր է լցրել մեջը, սպան ասել է՝ մի բանով վառեք, որ կպնի, զինվորն էլ ասել է՝ մեջը մոխիր կա, ինքն իրեն կկպնի, լրացուցիչ բան անելու կարիք չկա, սպան փորձել է վառել, հետո՝ դիզվառելիք է ուզել վարորդներից և այլն, հետո՝ չգիտես ինչու որոշել է, որ բենզինն ավելի հարմար է։ Ընդ որում, վկան տեսել է այդ բենզինի տարան՝ բռնկված վիճակում և սպայի հագուստը՝ բռնկված վիճակում, այս պահին դա հիմնավորվում է»։

Աղբյուր` Փաստինֆո