Փաստ ինֆո

Հայկական PR ասոցացիայի նախագահ Աստղիկ Ավետիսյանի և կրթության հարցերով փորձագետ Ատոմ Մխիթարյանի որդուն Թումոյի այգում ծեծի ենթարկելու վերաբերյալ հաղորդման հիման վրա նախաձեռնվել է քրեական վարույթ։ ՀՀ գլխավոր դատախազությունից «Փաստինֆո»-ի հետ զրույցում ասացին, որ հունվարի 19-ին վարույթ է նախաձեռնվել՝ ՀՀ քրեական օրենսգրքի 195-ի 2-րդ մասի 3-րդ և 5-րդ կետերով՝ մի խումբ անձանց կողմից անչափահասի նկատյմամբ ֆիզիկական ներգործությունը։ Դատախազության փոխանցմամբ՝ հաղորդումը ներկայացրել է Արեն Ատոմի Մխիթարյանը։

Հիշեցնենք, որ Աստղիկ Ավետիսյանը հայտնել էր, որ մի քանի օր առաջ Թումոյի այգում զբոսնելու դուրս եկած որդուս գտանք արնաշաղախ․ «Դուրս էր եկել զբոսնելու, նստել է այգում և ականջակալերով երաժշտություն է լսել, մեջքի կողմից մոտենում են երկու երիտասարդ, հարցնում են՝ սիգարետ ունե՞ս, ասում է` չէ, չեմ ծխում։ Այդ պահին անսպասելի հարվածում են դեմքին, ձորի պռնկին նստած ակնոցը թռնում է, ինքը գլորվում ներքև, մեկը փախնում է մյուսը հետապնդում, հեռախոսն է ցանկանում վերցնել, բայց չի կարողանում։

Դիմադրություն տեսելով` երկրորդն էլ է փախնում։ Տղաս մոտենում է պարեկներին, ներկայացնում եղածը, հետ են վերադառնում դեպքի վայր, ակնոցը գտնում են, բայց մարդկային հետք`ոչ։ Ամենազավեշտալին, որ այդքան պարեկների առկայությունը մի տեղում, դանդաղաշարժությունը, անարդյունավետ աշխատանքը մի կողմ, իմ պարտադրման արդյունքում են միայն հրավիրում շտապ օգնություն»։

Աղբյուր` Փաստինֆո