Փաստ ինֆո

Սինգապուրի 40-ամյա բնակչուհին սիրահարվել է խաբեբային, բաժանվել ամուսնուց եւ զրկվել գումարից։ Այս մասին հայտնում է Asia One-ը։

Կինը խաբեբայի հետ ծանոթացել է համացանցում։ Տղամարդը ներկայացել է որպես ԱՄՆ-ից ռազմական բժիշկ, պատմել Է, որ վիրավորվել Է Հարավային Սուդանում գտնվելու ժամանակ, եւ արդյունքում համոզել է նրան բուժման համար միջոցներ փոխանցել իրեն: Դրա համար զոհը հրաժարվել է ավելի քան 200 հազար դոլար ապահովագրական իր պայմանագրից (13,7 մլն ռուբլի) եւ գումարը տվել տղամարդուն։

Կնոջ ամուսինն իմացել է նրա սիրավեպի մասին և հայտնել, որ գումարը փոխանցվել է ոստիկանություն։ Իրավապահները հանդիպել են կնոջ հետ եւ փորձել բացատրել, որ նրան խաբել են, սակայն նա հրաժարվել է հավատալ նրանց։ «Կինը համոզված էր, որ երբ իր սիրեկանը ապաքինվի, կգա Սինգապուր եւ հոգ կտանի իր երեխաների մասին», — պնդում է ոստիկանության խարդախության դեմ պայքարի բաժնի աշխատակիցը:

Երեք ամիս շարունակ ոստիկանության աշխատակիցները փորձել են համոզել կնոջը, որ նա խարդախության զոհ է դարձել։ Նա համաձայնել է նրանց հետ միայն այն բանից հետո, երբ նկատել է, որ հիվանդանոցից ստացված էլեկտրոնային նամակներում օգտագործվել է նույն փոստի հասցեն, ինչ իր սիրեցյալը։

Ոստիկանությանը հաջողվել է փոխհատուցել 170 հազար դոլար վնասը՝ սառեցնելով բանկային հաշիվները, որոնց կինը գումար էր փոխանցում:

«Տուժողը միայն ֆինանսական կորուստների չի բախվել։ Նրա ամուսինն ասել է, որ իրենք այդպես էլ չեն կարողացել հարաբերություններ հաստատել։ Նրա երեք երեխաները նույնպես տուժել են, և կինը գումար է վերցրել իր ընկերներից և հարազատներից: Այժմ նրանք ռիսկի են դիմում իրենց միջոցները հետ չվերադարձնել», — ասում են ոստիկանությունում։

Աղբյուր` Փաստինֆո