Փաստ ինֆո

Ադրբեջանի հետ Հայաստանի սահմանային հատված ՀԱՊԿ առաքելություն ուղարկելու պատրաստակամությունը դեռ պահպանվում է։ Այսօր տեղի ունեցած մամուլի ասուլիսում հայտարարել է է ՌԴ ԱԳ նախարար Սերգեյ Լավրովը։

«Իհարկե, ես կցանկանայի, որ մեր դաշնակից կառույցներում համերաշխությունը լինի հարյուր տոկոսով, և մենք աշխատում ենք այդ ուղղությամբ»,- ասել է նա։

Ըստ նրա՝ դա պահանջում է անհատական մոտեցում յուրաքանչյուր կոնկրետ դեպքի նկատմամբ, որը դիտարկվում է։
«Այդ թվում, եկեք չթաքցնենք, մենք ունենք դժվարություններ՝ կապված Հայաստանում տիրող իրավիճակի հետ, երբ մեր հայ ընկերները առաջ քաշեցին ՀԱՊԿ առաքելություն ուղարկելու անհրաժեշտությունը Ադրբեջանի հետ սահման՝ այնտեղ ինչ-որ կայունություն ապահովելու համար։ մենք պայմանավորվեցինք նման փաստաթղթի շուրջ այս առաքելության պարամետրերի վերաբերյալ, բայց հնարավոր չեղավ ընդունել, քանի որ հայ գործընկերները սկսեցին պնդել, որ այս փաստաթուղթը պարունակի Ադրբեջանի կոշտ դատապարտումը: Մենք բացատրեցինք, որ եթե խոսքը դատապարտման մասին է, հռետորաբանության, ապա «այստեղ բոլորն իրավասու են անել ինչ ուզում են»,- նշել է Սերգեյ Լավրովը։

«Այսինքն՝ մենք ցանկանում ենք ուղարկել ՀԱՊԿ առաքելություն, բայց պարտադիր չէ պայմանավորված լինի արտաքին որոշ նշաններով, հայտարարություններով, առավել եւս կոշտ: Մենք դեռ պատրաստ ենք ՀԱՊԿ առաքելություն ուղարկել Հայաստանի և Ադրբեջանի սահման»,- հավելել է Լավրովը։

Նրա խոսքով, «չնայած այն հանգամանքին, որ մենք դաշնակիցներ ենք, որ առաքելությունը լիովին պատրաստված է, հայկական կողմը նախընտրում է բանակցություններ վարել ԵՄ-ի հետ, որպեսզի այնտեղ երկարաժամկետ հիմունքներով տեղակայվի քաղաքացիական դիտորդների առաքելություն»։

«Եթե այդ առաքելությունը տեղակայվի առանց Ադրբեջանի համաձայնության, ապա այն կարող է պարզապես հակաարդյունավետ լինել, սահմանին վստահություն ստեղծելու փոխարեն կարող է լրացուցիչ լարվածություն ստեղծել»,- ասել է Լավրովը։

Աղբյուր` Փաստինֆո