Փաստ ինֆո

ԱՄՆ-ն ճնշում է գործադրում Թուրքիայի վրա ՆԱՏՕ-ին Ֆինլանդիայի և Շվեդիայի անդամակցության հարցում՝ վախենալով, որ ձգձգումը ձեռնտու կլինի Մոսկվային, գրում Է Bloomberg-ը։

«ԱՄՆ-ն նախազգուշացրել Է Թուրքիային, որ Կոնգրեսը կարող է հավանություն չտալ 20 մլրդ դոլար արժողությամբ F-16 ինքնաթիռների վաճառքին, եթե Անկարան չվավերացնի ՆԱՏՕ-ին անդամակցելու Շվեդիայի եւ Ֆինլանդիայի հայտերը», - մեջբերում Է գործակալությունը թուրք բարձրաստիճան պաշտոնյայի խոսքը:

Դաշինքը մտահոգված է երկու երկրների հայտը վավերացնելու Անկարայի մերժմամբ, քանի որ կարծում է, որ բանակցությունների ձգձգումը բխում է Ռուսաստանի շահերից:

Մինչդեռ, ըստ թուրք պաշտոնյայի, «ենթադրություններն այն մասին, թե Թուրքիան ժամանակ է ձգում Ռուսաստանին ծառայություն մատուցելու համար, ոչ մի ընդհանուր բան չունեն իրականության հետ»:

Իրենց հերթին, նշվում Է հրապարակման մեջ, ՆԱՏՕ-ի դիվանագետները զգուշավոր լավատեսությամբ են նայում, որ խնդիրներն ի վերջո կլուծվեն, ամենայն հավանականությամբ, Թուրքիայում ընտրություններից հետո: Նրանցից մեկը նշել է, որ ՆԱՏՕ-ի ուժեղացումն ի վերջո աշխատում է հօգուտ Թուրքիայի, հատկապես Սև ծովում և Մերձավոր Արևելքում։

Աղբյուր` Փաստինֆո