Փաստ ինֆո

Ֆրանսիան չէ, որ պետք է որոշի, թե ինչ կարգավիճակ կարող է ունենալ ԼՂ-ն տարածաշրջանում։ Այս մասին այսօր՝ հունվարի 13-ին, Երեւանում ՀՀ ԱԺ նախագահ Ալեն Սիմոնյանի հետ ասուլիսի ընթացքում ասաց Ֆրանսիայի ԱԺ նախագահ Յաել Բրաուն-Պիվեն

«Մեր դիրքորոշումը շատ հստակ է, ըստ որի մենք առ այսօր չենք ճանաչել ԼՂ անկախությունը։ Կարգավիճակը Ֆրանսիայի կողմից չպետք է սահմանվի այն պետք է սահմանվի միջազգային իրավունքի շրջանակում՝ տարբեր ժողովուրդների կողմից և մասնավորապես հակամարտության կողմերի կողմից»,- նշեց նա։

Անդրադառնալով արդեն մեկ ամիս շրջափակման մեջ գտնվող 120.000 արցախցիների հիմնախնդրին՝ Ֆրանսիայի ԱԺ նախագահը հղում կատարեց միջազգային իրավունքին, ըստ որի միջանցքը պետք է բացվի և որ Արցախ մարդկանց ելքումուտքը պետք է վերականգվի,

«Միջանցքը ևս մեկ անգամ պետք է վերաբացվի՝ հարգելով միջազգային իրավունքը»,- ընդգծեց Յաել Բրաուն-Պիվեն։

Խնդիրը բանակցությունների միջոցով լուծելու հնարավորությունները Յաել Բրաուն-Պիվեն սպառված չի համարում և վստահ է, որ Հայաստանն Արցախին կապող կյանքի ճանապարհը երկխոսության միջոցով հնարավոր է բացել։

«Այո՛, քաղաքական բանակցությունները կարող են շարունակվել։ Ես երկխոսությանը հավատացող մարդ եմ և կարծում եմ, որ երբեք պետք չէ հրաժարվել երկխոսությունից։ Պետք է միշտ փորձել գտնել խաղաղ կարգավորում։ Ֆրանսիան, իհարկե, պահանջում է, որ անմիջապես բացվի կենսական ճանապարհը և այդ բացումը պետք է, բնականաբար, հնարավորինս արագ իրականացվի։

Աղբյուր` Փաստինֆո