Փաստ ինֆո

Որպես Արցախի պետնախարար ես Ադրբեջանի հետ բանակցություններին չեմ մասնակցում։ Մենք, երկրի ղեկավարությունը բանակցություններն անցկացնում է անմիջապես ռուս խաղաղապահների հետ։ Այս մասին այսօր՝ հունվարի 12-ին Ստեփանակերտ-Երևան տեսակամուրջի ժամանակ հայտնեց Արցախի Հանրապետության պետնախարար Ռուբեն Վարդանյանը՝ պատասխանելով հարցին՝ արդյոք Արցախն այսօր ներգրավված է Ադրբեջանի հետ բանակցություններում;

«Բանակցությունների մասին ես տեղեկություն չունեմ»,- նշեց Վարդանյանը։

Նա մեկ անգամ ևս արձանագրեց, որ ստեղծված իրավիճակը չի կարող «նորմալ» ընդունվել ո՛չ Հայաստանի, ո՛չ սփյուռքի, ո՛չ միջազգային կազմակերպությունների, ոչ էլ ուրիշ երկրների կողմից; Նա ընդգծեց, որ անհրաժեշտ է բոլորի ուշադրությունը հրավիրել այս ճգնաժամին, որպեսզի այն լայն արձագանք գտնի բոլոր հարթակներում;

«Այս իրավիճակն իսկապես անընդունելի է և մենք ամեն ինչ անում են, որ և՛ Ռուսաստանում, և՛ Ֆրանսիայում, և՛ ԱՄՆ-ում, և՛ ուրիշ երկրներում, իրավիճակի շուրջ ինչքան հնարավոր է ճշգրիտ ինֆորմացիան տրամադրել մարդկանց, որոնք որոշումներ են կայացնում, և ամեն ինչ անում ենք որ այդ որոշումները լինեն ինչքան հնարավոր է արագ և պաշտպանեն մարդու կյանքի հետ կապված իրավունքները, ամենակարևորը՝ երեխան պետք է ունենա իրավունք ապրելու իր երկրում, իր հողի վրա, ստանալ կրթություն և ունենա կյանքի նորմալ պայմաններ։ Դրա համար մենք աշխատում ենք բոլորի հետ»,- եղրափակեց Արցախի պետնախարարը։

Աղբյուր` Փաստինֆո