Փաստ ինֆո

Փաշինյանի հետ կարծում եմ արդեն վաղուց ամեն ինչ պարզ է, ինքը ամեն անգամ ծակում է իր իսկ սահմանած հատակի ռեկորդը։ Ամբողջ հարցը մնացածի մեջ է։ Այդ մասին ֆյեսբուքում գրել է «Զանգի» հավելվածի հիմնադիր Վահրամ Մարտիրոսյանը։ «Հաջորդ ցավալի իրողությունը նրանում է, որ առաջին պլանում գտնվող ոչ իշխանական քաղաքական միտքը նույւնպես ապրում է խորը ճգնաժամ։ Առանց բացառության այս մտքի կրողները հանրային քաղաքական դաշտում բացի ջուր պղտորելուց այլ բան չեն իրականացնում։ Եվ հետո սուզվելով մառազմի մեջ սկսում են բողոք-նվնվոց թե ժողովուրդը լավը չի։

Հիմա հարցը՝ Բա ելքը ո՞րն է։ Իսկ ելք կա, և դա պետք է ուղղակի նկատել։ Մենք միջին դասում ունենք ոչ թե մեկ երկու, այլ բազմաթիվ հոյակապ պրոֆեսիոնալ և ոչ պրոֆեսիոնալ քաղաքական մտքի կրողներ, ովքեր ունեն բովանդակություն։ Եվ ամենակարևորը՝ նրանք ունեն այն երկու կարևոր հատկանիշները, որոնք պարտադիր են մեզ այս ճգնաժամից դուրս գալու համար՝ Ազգային են ու Ռացիոնալ։

Այս վիճակից դուրս գալու միակ գործնական ճանապարհը նոր ազգային-քաղաքական էլիտայի ձևավորման մեջ է, որի ռեսուրսը ինչպես նշեցի կա։ 90-ականներից սերող քաղաքական դասը հայրենիքի համար այս օրհասական պահին պետք է դրսևորի ողջախոհություն ու հայրենասիրություն և ղեկը սկսի հանձնել նրանց, ովքեր իրապես կարող են խնդիր լուծել։

Դիմում եմ նաև մեր սովորական քաղաքացիներին՝ հույսներդ կտրեք ներկայի առաջին պլանի բոլոր գործիչներից ու կուսակցություններից։

Նրանք եթե մի բան անող լինեին, ապա անցած 2 տարում արդեն արած կլինեին։ Իսկ իրականում նրանք հանրության քաղաքական գիտակցական միտքը միայն էլ ավելի են վատացրել իրենց անպատասխանատու, իռացիոնալ, վերացական և դավադրապաշտական գաղափարախոսություններով»,-գրել է նա։

Աղբյուր` Փաստինֆո