Փաստ ինֆո

Չեմ կարծում, որ մենք մեր գործընկերների հետ պետք է վերջնագրով խոսենք; Այս մասին ասաց ՀՀ վարչապետ Նիկոլ Փաշինյանը՝ այսօր՝ հունվարի 10-ին հրավիրած մամուլի ասուլիսի ժամանակ՝ պատասխանելով լրագրողի այն հարցին, թե երեկ ռուսական լրատվամիջոցներում տեղեկություն էր տարածվել, իբր, Հայաստանը վերջնագիր է ներկայացրել Ռուսաստանի Դաշնությանը Լաչինի միջանցքը բացելու համար, հակառակ պարագայում սպառնացել է դուրս գալ ՀԱՊԿ կազմից;։

«Լաչինի միջանցքը փակելու մասին հրապարակային գնահատականներ տրվել են տրվել, բայց ես կուզենայի, որ մենք ավելի ընդհանրական և խորը հասկանանք տվյալ իրավիճակի կոնտեքստը։ Իմ գնահատմամաբ, այն ինչ տեղի է ունենում Լաչինի միջանցքում, առաջին հերթին ԼՂ ժողովրդին ԼՂ հայությանը՝ սեփական հայրենիքում ապրելու կամքը կոտրելու նպատակ ունի; Մենք պետք է սա հաշվի առնենք»,- ասաց Փաշինյանը։

ՀՀ վարչապետն ընդգծեց, որ այս հարցում ՀՀ կառավարության գործիքակազմը պետք է լինի դիվանագիտական, այն է միջազգային հանրության վրա հնարավորինս մեծ ճնշում գործադրել՝ Լաչինի միջանցքը բացելու հարցում;

Փաշինյանը հիշատակեց նաև 2020 թվականի նոյեմբերի 9-ի եռակողմ հայտարարության 6-րդ կետը, որով, ըստ ՀՀ վարչապետի, Լաչինի միջանցքի վերաբերյալ իրավական պարտավորություններ են դրված Ադրբեջանի և Ռուսաստանի վրա;

«Եթե ուշադրություն եք դարձրել 6-րդ կետում ՀՀ վերաբերյալ որևէ գործողություն չկա և մենք կարծում ենք, որ այս հարցում մեր գործողությունները պետք է լինեն լիարժեք լեգիտիմ և մենք այս գործընթացում և ընդհանրապես մեր բոլոր գործողություններում լեգիտիմությունը համարում ենք առաջնային»,- նշեց ՀՀ վարչապետը;

Աղբյուր` Փաստինֆո