Փաստ ինֆո

Չեմ կարող ուղղակի դուրս գալ փողոց, ասել՝ ժողովրդից ստացած իշխանությունը վերցրեք Իշխանության ճակատագիրը որոշում է ժողովուրդը։ Այս մասին այսօր՝ հունվարի 10-ին հրավիրած ասուլիսի ժամանակ հայտարարեց ՀՀ վարչապետ Նիկոլ Փաշինյանը՝ պատասխանելով հարցին, թե չի պատրաստվում արդյոք հրաժարական տալ։

«Երկու անգամ հրաժարական եմ տվել, երկու անգամ ՀՀ-ում տեղի են ունեցել ընտրությյուններ, որոնք միջազգային հանրության կողմից գնահատավել են որպես ազատ, արդար, թափանցիկ, մրցակցային, ժողովրդավարության կանոններին և չափանիշներին համապատասխան; Սրանով ամեն ինչ ասված է»,- ասաց Փաշինյանը՝հավելելով, որ ինքը չի պատրաստվում փախնել պատասխանատվությունից, որովհետև ինքը պատասխանատու է ոչ միայն համար, որը մինչև այս պահն է տեղի է ունեցել, այլև նրա համար, ինչը սրանից հետո է տեղի ունենալու։

Նա հավաստիացրեց, որ այդ պատասխանատվությունը պատրաստվում է կրել մինչև այն պահը, մինչև իշխանության տերը կորոշի, որ ինքն այդ պատասխանատվության հետ այլևս գործ չունի։

Անդրադառնալով անհետ կորածների խնդրին՝ Փաշինյանն ասաց, որ որոնողական աշխատանքները շարունակվում են։ Նրա խոսքով՝ Հայաստանը անհետ կորածներ ունի ոչ միայն սեպտեմբերի 13-ի ադրբեջանական վերջին սադրանքի, այլև 44-օրյա պատերազմի հետևանքով։ Վերջիններիս թիվը, ըստ Փաշինյանի, շուրջ 200-ն է։

«Հիմա գերիների, անհետ կորածների հանձնաժողովը վերակազմավորվել է ԱԱԾ տնօրենի գլխավորությամբ և աշխատում են նաև գիտեմ, որ և գերիների, և անհետ կորած համարվող մեր զիօնվորների քաղաքացիների ծնողների և հարազատների հետ հաղորդակցության մեջ են և պետք է շարունակենք աշխատել այնքան մինչև խնդիրը լուծված չէ»,- նշեց նա՝ հիշեցնելով, որ սեպտեմբերի 13-ից հետո 17 հայ ռազմագերիները վերադարձվել են Հայաստան։

Ըստ Փաշինյանի՝ գերիների վերադարձի շուրջ աշխատանքները ևս ընթացքի մեջ են և ՀՀ իշխանությունը շարունակում է ջանքեր գործադրել նրանց վերադարձի ուղղությամբ։

«Ադրբեջանն ինչու գերիներին չի վերադարձնում, որովհետև դա լծակ է, Հայաստանի նկատմամբ ճնշում գործադրելու և, որ ՀՀ կառավարությունը, այդ թվում ներքին ճնշումների տակ, գնա որոշումների, որոնք չեն համապատասխանում ՀՀ շահերին։ Դա արվում է նաև նոյեմբերի 9-ի եռակողմ հայտարարության խախտումով, բայց մենք շարունակելու ենք մեր ջանքերը։ Բավարա՞ր են այդ ջանքերը. մեր գնահատականներն են՝ քանի չեն եկել, ուրեմն բավարար չեն, ուրեմն այլ հարթություններ է պետք գտնել այդ հարցով զբաղվելու, որ խնդիրը լուծվի»։

Աղբյուր` Փաստինֆո