Փաստ ինֆո

Իրանի արտաքին գործերի նախարարությունը դադարեցնում է Իրանում ֆրանսիական հետազոտական ինստիտուտի (IFRI) գործունեությունը՝ որպես պատասխան Charlie Hebdo ամսագրում Իսլամական Հանրապետության գերագույն ղեկավարի ծաղրանկարների հրապարակմանը:  Այս մասին գրում է ՏԱՍՍ-ը։

«Իրանի ԱԳՆ - ն վճռականորեն դատապարտում է ֆրանսիական տխրահռչակ ամսագրի (Charlie Hebdo-խմբ.) սրբապիղծ քայլը, որը ոտնահարում է բարոյականության համընդհանուր նորմերը, կոպտորեն վիրավորում է կրոնական սրբավայրերը, անհարգալից վերաբերմունք է ցուցաբերում քաղաքական-կրոնական իշխանության սրբության նկատմամբ եւ վիրավորում է իրանցիների պետական խորհրդանիշներն ու նրանց ազգային արժեքները», - ասված Է հայտարարության մեջ, որը հրապարակվել է Հանրապետության արտաքին քաղաքական գերատեսչության կայքում:

«Նախարարությունը չի հանդուրժում ֆրանսիական գռեհիկ ամսագրի հակամշակութային եւ հակամարդկային գործողությունների լռեցումը եւ դադարեցնում Է Իրանում ֆրանսիական հետազոտական ինստիտուտի գործունեությունը՝ որպես առաջին քայլ՝ վերանայելով Ֆրանսիայի հետ մշակութային կապերը եւ Ֆրանսիայում մշակութային գործունեության շարունակման հնարավորությունը Իրանում», - նշվում է դրանում: Թեհրանում կարծում են, որ Փարիզը պատասխանատվություն է կրում Ֆրանսիայի կառավարության իրավասության ներքո գտնվող իրավաբանական եւ ֆիզիկական անձանց կողմից ազատության եւ մարդու իրավունքների նկատմամբ անհարգալից վերաբերմունքի, այլ երկրների կրոնական արժեքները վիրավորելու համար:

IFRI-ն հիմնադրվել է 1983 թվականին Իրանում ֆրանսիական հնագիտական պատվիրակության և Թեհրանում Իրանագիտության ֆրանսիական ինստիտուտի միաձուլման շրջանակներում: Ինստիտուտը ենթակա է Ֆրանսիայի արտաքին գործերի նախարարությանը

Աղբյուր` Փաստինֆո