Փաստ ինֆո

Արցախը կհաղթի՜: Որովհետև 120000 արցախցի միասնական են և ունեն ինքնապաշտպանման բնազդ: Որովհետև նրանք հայրենիք սիրել ու պաշտպանել գիտեն և Աստված կպաշտպանի իրենց, ես վստահ եմ:

Այդ մասին ֆեյսբուքյան գրառում է արել երգահան Աննա Հովները։ «Արցախն Ադրբեջանի կազմում երբեք չի լինելու. այ Հայաստանը` չգիտեմ: Հայաստանում չեն պայքարում և չունեն այդ բնազդից: Հայաստանը չի գիտակցում, որ հենց ինքն է իրականում շրջափակված, ոչ թե Արցախը: Ուտելիքով լցված խանութներն ու ազատ ճանապարհն ընդամենը խաբկանք է:

Հային ուղարկված է այս փորձությունը, և հայն այն չի՜ հաղթահարում, որովհետև կամ չի գիտակցում, կամ չի ուզում: Խոսքս, իհարկե, ոչ բոլոր հայաստանցիների մասին է, բայց ընդհանուր պատկերը նայելուց աշխարհը երբեք չի ասի «հա, դե բայց էն 5 տոկոսը որ տենց չի մտածում` պետք է օգնել Հայաստանին»: Սա´ է խնդիրը:
Սպասել աշխարհից աջակցություն` նշանակում է ցուցաբերել քմահաճույքներով լի լկստված երեխայի վարք: Մե՜նք պետք է օգնենք մեր երկրին: Հույսը պետք է մենք մեզ վրա դնենք, որ կարողանանք խոսելու տեղ ունենանք:

Պատկերացրեք. մի ընտանիքում ողբերգություն է: Մայրը հրաժարվում է փոքր զավակից, որ խնդիրն իբր լուծվի: Երկրորդ զավակին մեկ է, թե ինչ է կատարվում. նա գնում է Հյուսիսային պողոտա ընկերների հետ և ուրախ ու կուշտ զվռնում է փողոցով բարձր ծիծաղելով: Հայրն էլ իրավիճակից դուրս գալու համար որոշում է թուրքի հետ քփություն անի, որ առևտուրը լավ գնա: Եվ միայն փոքր երեխան է, որ հասկանալով ամեն ինչ` խենթանում է իր անճարությունից:

Սա է մոտավորապես մեր երկրի պատկերը:

Անտարբերությունն ու լռությունը` ամենավատ պատիժն է, որն ուղարկել է Աստված: Մեր ձեռքերում է. կամ ուշքի ենք գալիս, կամ մեռնում: Երրորդ տարբերակ չկա»,-գրել է նա:

Աղբյուր` Փաստինֆո